ចាប់ឃាត់ខ្លួនជនសង្ស័យ១នាក់ ពាក់ព័ន្ធទៅនឹងករណីគ្រឿងញៀន
ខេត្តបាត់ដំបង៖ដោយអនុវត្តតាមមតិដឹកនាំរបស់លោកឧត្តមសេនីយ៍ត្រី សាត គឹមសាន ស្នងការនគរបាលខេត្តបាត់ដំបង និងក្រោមការណែនាំរបស់ឧត្តមសេនីយ៍ត្រី កុយ ហៀង ស្នងការរងទទួលផែនការងារគ្រឿងញៀន កាលពីថ្ងៃពុធ ២រោច ខែមិគសិរ ឆ្នាំជូតទោស័កព.ស.២៥៦៤ ត្រូវនឹងថ្ងៃទី០២ ខែធ្នូ ឆ្នាំ២០២០ វេលាម៉ោង០០និង១០នាទី លោក វរសេនីយ៍ឯក ឆាង វណ្ណឆៃ អធិការនគរបាលក្រុងបាត់ដំបង បានជំរុញអោយកម្លាំងជំនាញផ្នែកប្រឆាំងគ្រឿងញៀន សហការជាមួយកម្លាំង ប៉ុស្តិ៍នគរបាលរដ្ឋបាលអូរចារ នៃអធិការដ្ឋាននគរបាលក្រុងបាត់ដំបង បានចុះល្បាតក្នុងភូមិស្រាស្តនៅ ចំណុចក្រុម០៣ ភូមិ អណ្តូងចេញ សង្កាត់អូរចារ ក្រុងបាត់ដំបង ខេត្តបាត់ដំបង ដោយបង្ក្រាបបានករណីរក្សាទុកដោយខុសច្បាប់នូវសារធាតុញៀន០១ករណី ក្នុងបទល្មើសជាក់ស្តែង ដោយឃាត់ខ្លួនជនសង្ស័យបាន០១នាក់ឈ្មោះ ផុន ឆវ័ន ហៅវ៉េវ ភេទប្រុស អាយុ២៦ឆ្នាំ មានទីលំនៅភូមិអណ្តូងចេញ សង្កាត់អូរចារ ក្រុងបាត់ដំបង ខេត្តបាត់ដំបង។
ក្រោយពីឃាត់ខ្លួនជនសង្ស័យសមត្ថកិច្ចបានរកឃើញនូវវត្ថុតាងមួយចំនួនរួមមាន៖ថ្នាំញៀនម៉ាទឹកកក(ICE) ១ថង់,ទូរស័ព្ធដៃ០១គ្រឿង,ការបូសម្រាប់ដាក់លុពណ៌ឈាមជ្រូក០១,សម្ភាះប្រើប្រាស់០១ចំនួនផងដែរ។
បច្ចុប្បន្នវត្ថុតាងនិងសង្ស័យ ត្រូវបានបញ្ជូនទៅកាន់ការិយាល័យជំនាញដើម្បីចាត់ការបន្តតាមនីតិវិធី៕
