រដ្ឋបាលព្រៃឈើ ចុះបង្ក្រាបរថយន្តខ្នាតយក្សដឹកដំឡូង បង្កប់ឈើនៅស្រុកស្វាយលើ
ខេត្តសៀមរាប៖រថយន្តខ្នាយយក្សដំឡូងបង្កប់ឈើពីក្រោម ត្រូវបានកម្លាំងរដ្ឋបាលព្រៃឈើខេត្តសៀមរាប ចុះបង្ក្រាបបានកាលពីរសៀលថ្ងៃទី០១ ខែមករា ឆ្នាំ២០២០ នៅស្រុកស្វាយលើ ខេត្តសៀមរាប។
បើតាមសមត្ថកិច្ចបានឲ្យដឹងថា រថយន្តដែលចាប់បាននោះ ម៉ាកហ៊ីយានដាយធុន(វេអង) ដែលមានម្ចាស់ឈ្មោះឡុង រដ្ឋា ប្រុសអាយុ៣២ឆ្នាំ ទីលំនៅខេត្តព្រៃវែង ដោយបានដឹកដំឡូងបង្កប់ឈើពីខាងក្រោម។ឈើដែលរកឃើញនោះប្រភេទលេខ១ ស្រឡៅ២១៣សន្លឹក ស្មើ១១,៣០៣ម៉ែត្រគូប,ឈើអារលេខ២១១សន្លឹកស្មើ០,៤១២ ម៉ែត្រគូប និងឈើអារចម្រុះ៣៩សន្លឹកស្មើ១,៦០៥ ម៉ែត្រគូប សរុបចំនួន១៣,320ម៉ែត្រគូប។
សមត្ថកិច្ចបន្តថា ឈើទាំងនេះបានដឹកចេញពីស្រុកត្រពាំងប្រាសាទ ខេត្តឧត្តរមានជ័យ បម្រុងឆ្ពោះទៅខេត្តព្រៃវែង លុះមកដល់ចំណុចខាងលើកម្លាំងធ្វើការស្ទាក់បានតែម្តង។
ក្រោយពីបង្ក្រាបបាននាំយកមករក្សាទុក នៅសង្កាត់រដ្ឋបាលព្រៃឈើ កន្ទួតខ្នារដើម្បី ផ្តល់ឱកាសឲ្យម្ចាស់ចូលខ្លួនមកទទួល ពិន័យជាអន្តរកាលក្នុងរយះពេល៣០ថ្ងៃ តែផ្ទុយទៅម្ចាស់មិនចូលខ្លួន មកក៏ បញ្ជូនសំណុំរឿងទៅតុលាការ ដើម្បីចាត់បន្តតាមនិតិវិធីតែម្តង៕
