សម្តេចក្រឡាហោម ស ខេង អំពាវនាវឲ្យបងប្អូនជនរួមជាតិទាំងអស់ ប្រុងប្រយ័ត្នខ្ពស់ ចៀសវាងការធ្វេសប្រហែស ក្នុងឱកាសបុណ្យចូលឆ្នាំចិន រៀតណាមខាងមុខនេះ
រាជធានីភ្នំពេញ៖សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងភរិយាបានអំពាវនាវដល់បងប្អូនខ្មែរដែលមានសែស្រឡាយចិនទាំងអស់ និងបងប្អូនជនរួមជាតិដែលចូលរួមអបអរសាទរពិធីបុណ្យចូលឆ្នាំប្រពៃណីចិនវៀតណាម នាថ្ងៃទី២៥ ដល់ថ្ងៃទី២៧ ខែមករា ឆ្នាំ២០២០ខាងមុខនេះ សូមប្រកបតែសេចក្តីសុខ សុមង្គល និងមានលាភសំណាង សេចក្តីសុខ សេចក្តីចម្រើនគ្រប់ក្រុមគ្រួសារ ក្នុងទឹកដីកម្ពុជាប្រកបដោយសុខសន្តិភាព។
សម្តេចបញ្ចាក់ថា៖ក្នុងពិធីបុណ្យនេះដែរ បងប្អូនខ្មែរដែលមានសែស្រឡាយចិន និងបងប្អូនជនរួមជាតិដែលចូលរួមអបអរសាទរពិធីបុណ្យចូលឆ្នាំប្រពៃណីចិន តែងតែមានការរៀបចំពិធីសែនពេ្រនដោយដុត ទៀន ធូប និងគ្រឿងសក្ការៈបូជាផ្សេងៗ និង ធ្វើដំណើរកំសាន្តសប្បាយទីជិតទីឆ្ងាយ។ដូច្នេះសូមមេត្តាប្រុងប្រយ័ត្នខ្ពស់ ចៀសវាងការធ្វេសប្រហែសដែលអាចកើតមានអគ្គីភ័យបំផ្លាញផ្ទះសម្បែង ទ្រព្យសម្បត្តិផ្សេងៗ និងសូមបងប្អូនជនរួមជាតិទាំងអស់បើកបរយានយន្តធ្វើដំណើរកំសាន្តប្រកបដោយការប្រុងប្រយ័ត្ន គោរពច្បាប់ចរាចរណ៍ ដើម្បីសុខសុវត្ថិភាព ព្រមទាំងទទួលបានសេចក្តីសប្បាយរីករាយក្នុងការជួបជុំក្រុមគ្រួសារ កុំបីខានឡើយ៕
![]()
![]()
![]()