កិច្ចប្រជុំបូកសរុបលទ្ធផល អនុវត្តសេចក្តីណែនាំលេខ០០៣ សណន ស្ដីពីការពង្រឹងបន្ថែមប្រសិទ្ធភាព ការងារកិច្ចការប៉ុស្តិ៍នគរបាល រដ្ឋបាលខែមករា និងទិសដៅការងារខែកុម្ភៈ ឆ្នាំ២០២០
ខេត្តស្វាយរៀង៖លោកឧត្តមសេនីយ៍ត្រី ខៀវ សុខុម ស្នងការរងនគរបាលខេត្ត និងជាតំណាងដ៏ខ្ពង់ខ្ពស់ លោកឧត្តមសេនីយ៍ទោ កឹង ឃន ស្នងការនគរបាលខេត្ត នាព្រឹកថ្ងៃទី២១ ខែមករា ឆ្នាំ២០២០ បានដឹកនាំកិច្ចប្រជុំបូកសរុបលទ្ធផលអនុវត្តសេចក្តីណែនាំលេខ០០៣ សណន ស្ដីពីការពង្រឹងបន្ថែមប្រសិទ្ធភាពការងារកិច្ចការប៉ុស្តិ៍នគរបាល រដ្ឋបាលប្រចាំខែមករា និងទិសដៅការងារខែកុម្ភៈ ឆ្នាំ២០២០។
ពិធីនេះប្រព្រឹត្តទៅនៅស្នងការដ្ឋាននគរបាលខេត្តស្វាយរៀង ដោយមានការអញ្ជើញចូលរួមពី លោកអនុប្រធានសេនាធិការ លោក លោកស្រី នាយ នាយរងការិយាល័យ លោក លោកស្រីនាយ នាយរងផ្នែក និងមន្ត្រីចំណុះការិយាល័យសរុបផែនការ និងការិយាល័យកិច្ចការប៉ុស្តិ៍នគរបាលរដ្ឋបាល លោកអធិការ អធិការរងទទួលការងារសេនាធិការ លោកនាយផ្នែកសេនាធិការ និងនាយផ្នែកកិច្ចការប៉ុស្តិ៍នគរបាលរដ្ឋបាលទាំង ៨ក្រុង/ស្រុកស្រុក និងលោក លោកស្រីនាយប៉ុស្តិ៍នគរបាលរដ្ឋបាលទាំង៨០ប៉ុស្តិ៍ សរុបវត្តមាន១២៩នាក់ ស្រី៩នាក់៕