ចាប់ឃាត់ខ្លួនជនសង្ស័យ៣នាក់ពាក់ព័ន្ធករណីគ្រឿងញៀន នៅក្រុងព្រះសីហនុ
ខេត្តព្រះសីហនុ៖កម្លាំងជំនាញនៃអធិការដ្ឋាននគរបាលក្រុងព្រះសីហនុកាលពីថ្ងៃទី០៧ ខែវិច្ឆិកា ឆ្នាំ២០២០ បានឃាត់ខ្លួនជនសង្ស័យបានចំនួន៣នាក់ ពាក់ព័ន្ធករណីគ្រឿងញៀន ស្ថិតនៅចំណុចក្រុម១ ភូមិ៥ សង្កាត់លេខ៤ ក្រុង-ខេត្តព្រះសីហនុ។
ជនសង្ស័យទាំង៣នាក់ ដែលត្រូវសមត្ថកិច្ចឃាត់ខ្លួន
ទី១.ឈ្មោះ ឃិន ស៊ីនួន ភេទប្រុស អាអាយុ៣៣ឆ្នាំ ជនជាតិខ្មែរ មុខរបរកម្មករសំណង់ ទីលំនៅបច្ចុប្បន្នក្រុម១ ភូមិ៥ សង្កាត់លេខ៤ ក្រុង/ខេត្តព្រះសីហនុ។ ២. ឈ្មោះ ឈួន កំសត់ ភេទស្រី ៣៤ឆ្នាំជនជាតិខ្មែរ មុខរបរកម្មករសំណង់ មានទីលំនៅបច្ចុប្បន្នក្រុម១ ភូមិ៥ សង្កាត់លេខ ៤ ក្រុង/ខេត្តព្រះសីហនុ មានស្រុកកំណើត ភូមិកំពែងស្វាយ ឃុំស្នាមព្រះ ស្រុកបាកាន ខេត្តពោធិសាត់។
៣. ឈ្មោះ ឈៀង សុខា ភេទប្រុស ៤៣ឆ្នាំ ជនជាតិខ្មែររ មុខរបរមេកាសំណង់ ទីលំនៅបច្ចុប្បន្នក្រុម១ ភូមិ៥ សង្កាត់៤ ក្រុង/ខេត្តព្រះសីហនុ មានស្រុកកំណើត ភូមិរោងបន្លែ សង្កាត់ស្វាយរៀង ក្រុងស្វាយរៀង ខេត្តស្វាយរៀង។
វត្ថុតាងដកហូតបានរួមមាន ម្សៅក្រាមពណ៌សថ្លា សង្ស័យសារធាតុញៀន ចំនួន១៦៦កញ្ចប់,ទូរសព្ទ័០៤គ្រឿង , ដាវ០៣ដើម និងថង់សម្រាប់វេចខ្ចប់ថ្នាំមួយចំនួន។
ជនសង្ស័យទាំង៣នាក់ រួមទាំងវត្ថុតាង សមត្ថកិច្ចកំពុងកសាងសំណុំរឿង ដើម្បីចាក់ការតាមនីតិវិធី៕
