ថ្ងៃMittwoch ទី០៨ ខែមេសា ឆ្នាំ២០២០
គេហទំព័រកំពុងសាកល្បង
ឯកឧត្តម អភិ​បាលខេត្តសៀមរាប បានអញ្ជើ​ញជាអធិបតីក្នុងពិធីបើកបវេសនកាល ឆ្នាំសិក្សាថ្មី ២០១​៩-២០២០ នៅសាកលវិទ្យាល័យអង្គរ
Mo,13 Januar 2020 (Time 04:30 )
ដោយ ៖ ឆន្ទៈកូនខ្មែរ (ចំនួនអ្នកអាន: 45នាក់)


ខេត្តសៀ​មរាប៖នាថ្ងៃចន្ទ ៤រោច ខែបុស្ស ឆ្នាំកុរ ឯកស័ក ព.ស.២៥៦៣ ត្រូវនឹងថ្ងៃទី១៣ ខែមករា ឆ្នាំ២០២០ ឯកឧត្តម ទៀ សីហា អភិបាល នៃគណៈអភិបាលខេត្ត ឯកឧត្តមអ្នកឧញ៉ា សៀ ណាំ តំ​ណាងរា​ស្ត្រមណ្ឌលសៀមរាប ​បានអញ្ជើញជាអធិបតីក្នុងពិធីបើកបវេសនកាលឆ្នាំសិក្សាថ្មី ២០១​៩-២០២០ នៅសាកលវិទ្យាល័យអង្គរ។

ឯកឧត្តម អភិបាលខេត្តបានថ្លែងថា ការងារអប់រំកម្រិត​ឧត្តមសិក្សា គឺជាគន្លឹះមួយយ៉ាងសំខាន់បំផុត ក្នុងការកសាងធនធានមនុស្ស ដែ​លខេត្តសៀមរាបទាំងមូលត្រូវតែចូលរួម វិនិយោគឱ្យបានខ្លាំងក្លា និងទាមទារជាចាំបាច់ និងបន្ទាន់​ បំផុតនូវការចូលរួមពីគ្រប់មជ្ឈដ្ឋានជាតិ និងអន្តរជាតិទាំងក្នុង​កម្រិ​តថ្នាក់ជាតិ ថ្នាក់ក្រោមជាតិ និងដៃគូរអភិវឌ្ឍ ដើម្បីជួយឱ្យគោលដៅ នៃការអប់រំកម្រិតឧត្តមសិក្សា នេះសម្រេ​ចបានជោគជ័យ។

ក្នុងនោះដែរ ឯកឧត្តមបានបន្តថា​ ការបណ្តុះបណ្តាលធនធានមនុស្ស គឺផ្តើមចេញពីការ កសាងស​មត្ថ​ភាព និងអប់រំសីលធម៌រស់នៅរបស់និស្សិតទាំងបញ្ញា ស្មារតី កាយសម្បទា មនោសញេ្ចតនា និង បំណិនជីវិតគ្រប់បែបយ៉ាង ដែលជា​ឱកាសដ៏ល្អបំផុតសម្រាប់ អភិវឌ្ឍប្រទេសជាតិនាថ្ងៃអនាគត នៅក្នុងបរិបទសម័យឌីជីថល។

ឯកឧត្តម អភិបាលខេត្តបានបញ្ជាក់បន្ថែមថា រាជរដ្ឋាភិបាលកម្ពុជា បានយកចិត្តទុកដាក់យ៉ាង​ខ្លាំង​ក្នុងការ បន្តកសាង និងអភិវឌ្ឍធនធានមនុស្សលើគ្រប់ផ្នែកប្រកប ដោយគុណភាព និងមានគុណ​ធម៌​ល្អ​ប្រពៃ ដែលឆ្លើយតបទៅ នឹងសំណូមពរ នៃការអភិវឌ្ឍន៍សង្គម សេដ្ឋកិច្ច ដើម្បីកសាងកម្ពុជា ឱ្យក្លាយជាសង្គមរីកចំរើន ជឿនលឿន ដែលផ្អែកលើ មូលដ្ឋាន ចំណេះដឹង រួមទាំងវិទ្យាសាស្រ្តប​ច្ចេកទេស និងចំណេះធ្វើ ហើយដើរស្របជាមួយ នឹងការីកចម្រើន នៃបណ្តាប្រទេស នៅក្នុងតំបន់ និងពិភពលោក ដោយត្រូ​វផ្សារភ្ជាប់នឹងការអប់រំមនសិកាស្នេហាជាតិ ការអប់រំ អំពីប្រវត្តិសាស្រ្ត ការអប់រំវប្បធម៌សន្តិភាព ការគោរពសិទ្ធិ និងសេចក្តី ថ្លៃថ្នូ ររបស់មនុស្សជាតិ ការគោរពតាម​គោលការណ៍ សេរីភាព ប្រជាធិបតេយ្យ និងយុត្តិធម៌ សង្គម ការប្រឆាំងនឹងអំពើហិង្សា ការប្រយុទ្ធ​ប្រឆាំង នឹង ការប្រើប្រាស់គ្រឿងញៀន និងការរើសអើងគ្រប់ប្រភេទ។

ការរីកចម្រើនលើវិស័​យអប់រំ និង វិស័យផ្សេងៗទៀតក្នុងខេត្តសៀមរាប ក៏ដូចជាទូទាំងប្រទេស គឺផ្តើមចេញពីឆន្ទះដ៏មោះមុត របស់ រាជរដ្ឋាភិបាល និងការដឹកនាំដ៏ឈ្លាសវៃប្រកបដោយគតិ​បណ្ឌិត​របស់សម្តេចអគ្គមហាសេនា បតីតេជោ ហ៊ុន សែន នាយករដ្ឋមន្រ្តី នៃព្រះរាជាណាចក្រកម្ពុជា ក្នុង​កា​រកសាងមាតុភូមិឱ្យមានសុខសន្តិភាព និងការអភិវឌ្ឍប្រកបដោយភាពរីកចម្រើន ថ្កុំថ្កើង រុង​រឿង។ 

ទន្ទឹមនឹងភាពរីកចម្រើនរបស់ប្រទេសជាតិ ប្រកបដោយក្តី មោទនៈនេះ និង ដើម្បីរួមចំណែកថែម​ទៀត ក្នុងការ អភិវឌ្ឍ សេដ្ចកិច្ច-សង្គម រដ្ឋបាលខេត្តសៀមរាបបាន និងកំពុងពង្រឹង និងពង្រីកវិសា​លភាពសេវាទេសចរណ៍ឱ្យកាន់តែ ល្អប្រសើរឡើង តាមរយៈការកែលម្អ សោភ័ណភាពក្រុង កែលម្អហេដ្ឋារចនាសម្ព័ន្ធ ផ្លូវ ថ្នល់ ស្ពាន លូ ប្រឡាយ ការផ្តត់ផ្គង់ អគ្គិសនី ការពង្រីកប្រព័ន្ធ​បណ្តាញចែកចាយទឹកស្អាត ការបំពាក់ភ្លើងបំភ្លឺតាមដងផ្លូវសាធារណៈ អនាម័យ បរិស្ថាន ពិសេស​ការយកចិត្ត ទុកដាក់ខ្ពស់លើកិច្ចការពារសន្តិសុខ សណ្តាប់ធ្នាប់ សុវត្ថិភាពល្អ ប្រសើរជូនដល់ភ្ញៀវ​ទេសចរជាតិ -អន្តរជាតិ គ្រប់ទីកន្លែង និងគ្រប់ពេលវេលា៕

ព័ត៌មានគួរចាប់អារម្មណ៍

អភិបាលខេត្តស្វាយរៀង ដឹកនាំមន្ត្រីក្រោមឱវាទចុះពិនិត្យ​ទីតាំង ត្រៀមបម្រុងទុកបន្ថែម សម្រាប់​ទទួល​ព្យាបាល និងដាក់ឲ្យ​នៅដាច់​ដោយឡែកក្នុងករណី​មានអ្នកកើតជំងឺកូវីដ១៩ (ឆន្ទៈកូនខ្មែរ)

ព័ត៌មានគួរចាប់អារម្មណ៍

ឧត្ដម​សេនីយ៍ត្រី អ៊ី ចំរើន នាំយកអំ​ណោយឯក​ឧត្ដម នាយឧត្ដម​សេនីយ៍ ​គៀត ច័ន្ទថារិទ្ធ ចែក​ជូន​មន្ត្រីប៉ុ​ស្តិ៍នគរបា​ល ច្រកទ្វារព្រំដែន​អន្តរជាតិ​ប៉ោយប៉ែត (ឆន្ទៈកូនខ្មែរ)

ព័ត៌មានគួរចាប់អារម្មណ៍

សម្តេចតេជោ ហ៊ុន សែន ស្នើសុំ​ឲ្យ​ធនាគារ​ និង​មីក្រូហិរញ្ញវត្ថុ​ ពន្យា​ការសង​ចំ​ណុល ​រួមទាំង​អត្រា​ការប្រាក់ ក្នុង​អំឡុង​ពេល​នៃវិបត្តិ​នៃជំងឺកូវីឌ-១៩ (ឆន្ទៈកូនខ្មែរ)

ព័ត៌មានគួរចាប់អារម្មណ៍

សម្តេចតេជោ ហ៊ុន សែន សម្រេចផ្អាកពិធី​បុណ្យ​ចូលឆ្នាំប្រពៃណី​ជាតិខ្មែរ ដើម្បីទប់ស្កាត់ការឆ្លង​រីករាលដាលជំងឺ​កូវីឌ-១៩ (ឆន្ទៈកូនខ្មែរ)

ព័ត៌មានគួរចាប់អារម្មណ៍

មេ​បញ្ជា​ការកង​ការពារព្រំដែន​លេខ៥០៣ យោធ​ភូមិ​ភាគ៥ ប្រកាស​បរិច្ចា​គ​ប្រាក់​បៀវត្ស រយៈ​ពេល០​៦ខែ ជូន​គណៈ​កម្មការ​ជាតិប្រយុទ្ធ​ប្រ​ឆាំង​នឹង​ជំងឺកូវីដ​១៩ (ឆន្ទៈកូនខ្មែរ)

វីដែអូ

ចំនួនអ្នកទស្សនា

ថ្ងៃនេះ :
1126 នាក់
ម្សិលមិញ :
4599 នាក់
សប្តាហ៍នេះ :
46734 នាក់
ខែនេះ :
203842 នាក់
3 ខែនេះ :
606205 នាក់
សរុប :
1535356 នាក់