បង្រ្កាបមុខសញ្ញាជួញដូរគ្រឿងញៀន ចំនួន២នាក់ នៅស្រុកកំពង់ត្រាច
ខេត្តកំពត៖ដោយមានការចង្អុលណែនាំពីលោកឧត្តមសេនីយ៍ កែវ សុផល មេបញ្ជាការកងរាជអាវុធហត្ថខេត្តកំពត និងមានការសម្របសម្រួលនិតិវិធីដោយលោក ឯក ឆេងហួត ព្រះរាជអាជ្ញាអមសាលាដំបូងខេត្តកំពត កាលពីវេលាម៉ោង១៣នឹង១០នាទីថ្ងៃទី១៥ ខែវិច្ឆិកា ឆ្នាំ២០២០ កម្លាំងការិយាល័យគ្រឿងញៀន សហការជាមួយស្នាក់ការសន្តិសុខព្រែកចាក ដឹកនាំបញ្ជារដោយលោក វរសេនីយ៍ទោ សេង វិច្ឆិកា បានចុះបង្រ្កាបមុខសញ្ញាជួញដូរគ្រឿងញៀន នៅចំណុចភូមិដំបងក្រាស ឃុំបឹងសាលាខាងត្បូង ស្រុកកំពង់ត្រាច ខេត្តកំពត ជាលទ្ធផលកម្លាំងបានឃាត់ខ្លួនជនសង្ស័យបានចំនួន០២នាក់
១/ឈ្មោះ ខាន់ ដាន់ ភេទប្រុស អាយុ២១ឆ្នាំ មុខរបរមិនពិតប្រាកដ រស់នៅភូមិក្រោះត្រមូង ឃុំបឹងសាលាខាងត្បូង ស្រុកកំពង់ត្រាច ខេត្តកំពត។
២/ឈ្មោះ អ៊ិន ឆុង ភេទប្រុស អាយុ២១ឆ្នាំ មុខរបរធ្វើសំណង់រស់នៅ ភូមិដំបងក្រាស់ ឃុំបឹងសាលាខាងត្បូង ស្រុកកំពង់ត្រាច ខេត្តកំពត។
វត្ថុតាងដកហូតបានរួមមាន៖គ្រឿងញៀនម៉ាទឹកកកចំនួន០១កញ្ចប់តូច មានទម្ងន់១.២៩ក្រាមថ្លឹងទាំងសំបកថង់,ម៉ូតូចំនួន០១គ្រឿង,ទូរសព្ទ័ដៃចំនួនមួយគ្រឿង។
បច្ចុប្បន្នជនសង្ស័យនិងវត្ថុតាងជំនាញកងរាជអាវុធហត្ថខេត្ត កសាងសំណុំរឿងដើម្បីចាត់ការតាមនីតិវិធី៕
