ពលរដ្ឋដែលរងផលប៉ះពាល់ ដោយសារគ្រោះទឹកជំនន់ចំនួន៦៧៥គ្រួសារ ទទួលអំណោយសប្បុរសធម៌ របស់សម្តេចតេជោ ពីឯកឧត្តមអភិបាលខេត្តកំពង់ស្ពឺ
ខេត្តកំពង់ស្ពឺ:ឯកឧត្តម វ៉ី សំណាង អភិបាលនៃគណ:អភិបាលខេត្តកំពង់ស្ពឺកាលពីព្រឹកថ្ងៃទី១៣ ខែវិច្ឆិកា ឆ្នាំ២០២០ បាននាំយកនូវអំណោយសប្បុរសធម៌របស់សម្តេចតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ទៅចែកជូនបងប្អូនប្រជាពលរដ្ឋសរុបចំនួន៦៧៥គ្រួសារមកពីស្រុកថ្ពងនិងស្រុកឱរ៉ាល់ខេត្តកំពង់ស្ពឺ ដែលរងផលប៉ះពាល់ដោយជំនន់ទឹកភ្លៀងកន្លងមក។
ឯកឧត្តម វ៉ី សំណាង អភិបាលខេត្តកំពង់ស្ពឺ បានមានប្រសាសន៍ថា កន្លងមកក្នុងខេត្តកំពង់ស្ពឺ ត្រូវបានលិចលង់ដោយសារជំនន់ទឹកភ្លៀងតាមបណ្តាក្រុង ស្រុកមួយចំនួនដែលធ្វើអោយប៉ះពាល់ដល់ផ្ទះសម្បែងប្រជាពលរដ្ឋ។ដោយសារឃើញពីទុក្ខលំបាករបស់ប្រជាពលរដ្ឋ ក៏បាននាំយកអំណោយសប្បុរសធម៏របស់សម្តេចតេជោហ៊ុនសែន និងសម្តេចកិត្តិព្រឹទ្ធបណ្ឌិត ប៊ុនរ៉ានី ហ៊ុនសែន យកទៅចែកជូនដល់បងប្អូនប្រជាពលរដ្ឋដែលងាយរងគ្រោះ និងរងគ្រោះដោយសារជំនន់ទឹកភ្លៀងសរុបចំនួន៦៧៥គ្រួសារក្នុងមួយគ្រួសារៗទទួលបានរួមមាន៖ អង្ករ .មី.ទឹកត្រី-ទឹកស៊ីអ៉ីវ.ភួយនិងថវិកាចំនួន២ម៉ឺនរៀល។
ក្នុងឱកាសនោះដែរលោកក៏បានពាំនាំនូវប្រសាសន៌ផ្តាំផ្ញើសួរសុខទុក្ខពីសំណាក់សម្តេចតេជោ និងលោកជំទាវដល់បងប្អូនប្រជាពលរដ្ឋ ដែលរងគ្រោះដោយសារទឹកជំនន់ នាពេលកន្លងមកនិងចៀសអោយផុតពីជំងឺដង្កាត់ផ្សេងៗផងដែរ៕
