ឃាត់ខ្លួនជនសង្ស័យ០២នាក់ ពាក់ពន្ធ័ករណីរក្សាទុក ផ្តល់ទីតាំងប្រើប្រាស់ថ្នាំញៀន
ខេត្តបាត់ដំបង:ជនសង្ស័យចំនួន០២នាក់ ដែលជាប់ពាក់ព័ន្ធករណីរក្សាទុក ផ្តល់ទីតាំងប្រើប្រាស់ថ្នាំញៀនត្រូវបានកម្លាំងផ្នែកប្រឆាំងគ្រឿងញៀន សហការជាមូយកម្លាំងផ្នែកព្រហ្មទណ្ឌ នៃអធិការដ្ឋាននគរបាលស្រុកសង្កែ ចុះប្រតិបត្តិការបង្ក្រាប ក្នុងករណីរក្សាទុក ផ្តល់ទីតាំងប្រើប្រាស់ ដោយខុសច្បាប់នូវសារធាតុញៀន០១ករណី ក្នុងបទល្មើសជាក់ស្តែង។
លោកអនុសេនីយ៍ឯក សំ ប៊ុនហេង នាយផ្នែកប្រឆាំងគ្រឿងញៀននៃអធិការដ្ឋាននគរបាលស្រុកសង្កែ បានអោយដឹងថា នៅក្នុងកិច្ចចុះប្រតិបត្តិការខាងលើធ្វើឡើងនៅវេលាម៉ោង ១៤និង០០នាទី ថ្ងៃទី១២ ខែវិច្ឆិកា ឆ្នាំ២០២០ នៅចំនុចក្រុមទី១៣ ភូមិនរា២ ឃុំនរា ស្រុកសង្កែ ខេត្តបាត់ដំបង។
ជាមួយកិច្ចប្រតិបត្តិការនេះដែរ ក្នុងបទល្មើសជាក់ស្តែងសមត្ថកិច្ចបានធ្វើការឃាត់ខ្លួនជនសង្ស័យចំនួន ០២នាក់
១/ឈ្មោះ រឿន មុន្នី ភេទប្រុស អាយុ ២៧ឆ្នាំ រស់នៅភូមិនរា២ ឃុំនរា ស្រុកសង្កែ ខេត្តបាត់ដំបង ពីបទ(រក្សាទុកថ្នាំញៀន)
២/ឈ្មោះ ទូច ណារ៉ាក់ ហៅ ង៉ា ភេទប្រុស អាយុ ២១ឆ្នាំ រស់នៅភូមិសំរោងតាកុក ឃុំសំរោងក្នុង ស្រុកឯកភ្នំ ខេត្តបាត់ដំបង (ជាមុខសញ្ញាចាស់អប់រំ២ដងមកហើយ)។
វត្ថុតាងចាប់យកបានរួមមាន:ម្សៅក្រាមពណ៌សថ្លា ចំនួន០៩ថង់ទំងន់៤.៤០ក្រាមទាំងសំបក,សម្ភារះកែច្នៃសម្រាប់ប្រើប្រាស់ និងថង់ច្រករំលែកថ្នាំញៀនលក់មួយចំនួន
ទូរស័ព្ទដៃចំនួន ០៣គ្រឿង និងកាបូបលុយចំនួន០២ ។
ជនសង្ស័យជាមួយវត្ថុតាងរហូតមកដល់ពេលនេះ ត្រូវបាននគរបាលផ្នែកប្រឆាំងគ្រឿងញៀនកំពុងកសាងសំណុំរឿងចាត់ការតាមនីតិវិធីច្បាប់៕