រដ្ឋបាលខេត្តសៀមរាប បើកកិច្ចប្រជុំត្រៀមរៀបចំ ព្រឹត្តិការណ៍កីឡារត់ប្រណាំង ចម្ងាយឆ្ងាយអង្គរ Angkor Ultra Trail លើកទី៥
ខេត្តសៀមរាប៖ឯកឧត្តម វ៉ាត់ ចំរើន រដ្ឋលេខាធិការក្រសួងទេសចរណ៍ លោក ពៅ ពិសិដ្ឋ អភិបាលរងខេត្ត តំណាងឯកឧត្តម ទៀ សីហា អភិបាល នៃគណៈអភិបាលខេត្តសៀមរាប នៅព្រឹកថ្ងៃសុក្រ ១ រោច ខែបុស្ស ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី១០ ខែមករា ឆ្នាំ២០២០ បានដឹកនាំកិច្ចប្រជុំ ដើម្បីត្រៀមរៀបចំព្រឹត្តិការណ៍កីឡារត់ប្រណាំងចម្ងាយឆ្ងាយអង្គរ Angkor Ultra Trail លើកទី៥ ដែលប្រព្រឹត្តទៅនាថ្ងៃសៅរ៍-អាទិត្យ ទី ១៨-១៩ ខែ មករា ឆ្នាំ ២០២០ ខាងមុខនេះ នៅបរិវេណលានជល់ដំរីខេត្តសៀមរាប ដោយមានការអញ្ជើញចូលរួមពី លោក លោកស្រី ប្រធាន-អនុប្រធានមន្ទីរ-អង្គភាពពាក់ព័ន្ធ។
សម្រាប់ព្រឹត្តិការណ៍រត់ប្រណាំងចម្ងាយឆ្ងាយលើកទី ៥ ឆ្នាំ២០២០នេះគឺជាខួប៥ឆ្នាំ នៃព្រឹត្តិការណ៍កីឡាទេសចរណ៍ ដ៏មានសារ:សំខាន់ក្នុងការទាក់ទាញភ្ញៀវទេសចរណ៍ជាតិ-អន្តរជាតិអោយមកចូលរួមប្រគួត និងទស្សនាច្រើនកុះករនៅខេត្តសៀមរាប លើវិញ្ញាសារចំនួន៥ រយះចំងាយ
១ /ចំងាយ ១២៨km
២/ចំងាយ ៦៤ km
៣/ចំងាយ ៤២ km
៤/ចំងាយ ៣២ km
៥/ចំងាយ ១៦ km
ព្រឹត្តិការណ៍នេះក្រសួងទេសចរណ៍ និងគណះកម្មាធិការជាតិអូឡាំពិកកម្ពុជា បាន រៀបចំបង្កើនគុណភាព និងពង្រឹងសន្តិសុខ សណ្តាប់ធ្នាប់ សុវត្ថិភាពជូនដល់ ភ្ញៀវ និងកីឡាករ កីឡាការីនីទាំងអស់ដែរមកចូលរួមអោយទទូលបានភាពកក់ក្តៅ និងសប្បាយរីករាយផងដែរ៕