កម្លាំងសមត្ថកិច្ចស្រុកកណ្តាលស្ទឹង ចាប់ឃាត់ខ្លួនជនសង្ស័យម្នាក់ ពាក់ពន្ធ័ករណីគ្រឿងញៀន
ខេត្តកណ្តាល:បន្ទាប់ពីទទួលបានព័ត៌មានពីប្រជាពលរដ្ឋថា មានករណីជួញដូរថ្នាំញៀននោះ កម្លាំងប៉ុស្តិ៍នគរបាលរដ្ឋបាលទ្រា បានសហការណ៍ ជាមួយកម្លាំងផ្នែកប្រឆាំងបទល្មើសគ្រឿងញៀនស្រុក បានចុះចាប់ឃាត់ខ្លនម្នាក់ កាលពីវេលាម៉ោ១៥:០០នាទីថ្ងៃទី២៣ ខែតុលា ឆ្នាំ២០២០
នៅចំណុចក្រោយផ្ទះជនសង្សយ័ ស្ថិតនៅក្នុងភូមិរោងគោ ឃុំទ្រា ស្រុកកណ្តាលស្ទឹង ខេត្តកណ្តាល។
សមត្ថកិច្ចបានឲ្យដឹងថា ជនសង្ស័យដែលឃាត់ខ្លួនមានឈ្មោះ សន វិសាល ភេទប្រុស អាយុ២៣ឆ្នាំ ជនជាតិខ្មែរ មានទីលំនៅភូមិរោងគោ ឃុំទ្រា ស្រុកកណ្តាលស្ទឹង ខេត្តកណ្ដាល។មុខរបរកសិករ មានសារធាតុញៀនក្នុងទឹកនោមវិជ្ជមាន។
វត្ថុតាងដកហូតបានមានម្ស៉ៅក្រាមពណ៍សរថ្លាសង្ស័យសារធាតុញៀនចំនួន០៧កញ្ចាប់និងទូរសព្ទ័ដៃ០១គ្រឿង។
សមត្ថកិច្ចបញ្ជាក់ថា:កាលពីវេលាម៉ោងខាងលើ កម្លាំងបានដើរល្បាតនៅក្នុងភូមិសាស្រ្តឃុំទ្រា ពេលមកដល់ចំណុចកើតហេតុក៏មានប្រជាពលរដ្ឋ បានផ្តល់ព័ត៌មានថា មានការជួញដូរថ្នាំញៀន នៅចំណុចផ្ទះជនសង្ស័យខាងលើ ភ្លាមនោះកម្លាំងសមត្ថកិច្ច បានចុះទៅដល់ទីតាំងនោះ ពេលទៅដល់បានឃេីញជនសង្ស័យ កំពុងអង្គុយនៅក្រោយផ្ទះតែម្នាក់ឯង ភ្លាមនោះកម្លាំងផ្នែកជំនាញបានហៅជនសង្ស័យមកសួរនាំឆែកឆេររកឃេីញគ្រឿងញៀនចំនួន០៣កញ្ចប់តូចនៅក្នុងហោប៉ៅខោមុខផ្នែកខាងស្ដាំ រួចកម្លាំងបានសួរនាំបន្ត ជនសង្ស័យបានសារភាពថា ខ្លួនបានលាក់ទុកថ្នាំញៀនចំនួន០៤កញ្ចប់ទៀតនៅក្រោមកង្ហាលេីគ្រែក្រោមផ្ទះ ហេីយបានឃាត់ខ្លួនជនសង្ស័យរួមនឹង វត្ថុតាងបញ្ជូនមកកាន់អធិការដ្ឋានតែម្តង។
នៅចំពោះមុខសមត្ថកិច្ចជនសង្ស័យបានសារភាពថា ថ្នាំញៀនទាំង០៧កញ្ចប់នេះពិតជារបស់ខ្លួនពិតប្រាកដមែន ដោយខ្លួនបានទិញពីជនសង្សយ័ពុំស្គាល់អត្តសញ្ញាណនៅម្ដុំវង្វង់មូលគួស្រូវ សង្កាត់រលួល ខណ្ឌដង្កោ រាជធានី ភ្នំពេញ ក្នុងតម្លៃ២០០.០០០រៀល(ម្ភៃម៉ឺនរៀល)។
បច្ចុប្បន្នជនសង្ស័យ រួមទាំងវត្ថុតាងផ្នែកជំនាញកំពុងសាកសួរ និនិងកសាងសំណុំរឿងតាមនីតិវិធី៕
