ថ្ងៃទី២៩ ខែតុលា ឆ្នាំ២០២០
គេហទំព័រកំពុងសាកល្បង
ឯកឧត្តម ជាវ តាយ ដឹកនាំកិច្ចប្រជុំគណៈបញ្ជាការឯកភាពរដ្ឋបាលខេត្ត លើកទី៣០ នៅសាលាខេត្តកំពត
Fr,16 Oktober 2020 (Time 03:56 )
ដោយ ៖ ឆន្ទះកូនខ្មែរ (ចំនួនអ្នកអាន: 14នាក់)


ខេត្តកំពត៖នៅព្រឹក​ថ្ងៃសុក្រ​១៤​រោច​ ខែអស្សុជ​ ឆ្នាំជូត​ ទោស័ក​ ព.ស ២៥៦៤ ត្រូវនឹង​ថ្ងៃទី​១៦ ខែតុលា​ ឆ្នាំ២០២០ ឯកឧត្តម ជាវ តាយ អភិបាល នៃគណៈអភិបាលខេត្ត និងជាប្រធានគណៈបញ្ជាការឯកភាពរដ្ឋបាលខេត្តកំពត បានដឹកនាំកិច្ចប្រជុំគណៈបញ្ជាការឯកភាពរដ្ឋបាលខេត្ត លើកទី៣០ នៅសាលាខេត្តកំពត។

កិច្ចប្រជុំនេះមានការអញ្ជើញចូលរួមពីអាជ្ញាធរក្រុង ស្រុក មន្ទីរ អង្គភាពជំនាញ និងបណ្ដាកងកម្លាំងគណៈបញ្ជាការឯកភាពរដ្ឋបាលខេត្តក្នុងភូមិសាស្ត្រខេត្តកំពត។

ឯកឧត្តម​ ជាវ តាយ អភិបាលខេត្ត បានមានប្រសាសន៍ឲ្យដឹងថា​ នៅក្នុងភូមិសាស្រ្តខេត្តកំពត ភ្លៀងបន្តធ្លាក់នារយៈពេលប៉ុន្មានថ្ងៃនេះដូចបណ្ដារាជធានី​ ខេត្ត​ ជាពិសេសខេត្តជាប់តំបន់មាត់សមុទ្រផងដែរ។ ប៉ុន្តែតាមការសង្កេតជាក់ស្ដែង​ និងរបាយការណ៍របស់អាជ្ញាធរមូលដ្ឋានក្រុង​ ស្រុក ពុំមានជំនន់ទឹកភ្លៀងធ្វើឱ្យមានផលប៉ះពាល់ឬរងគ្រោះដោយគ្រោះមហន្តរាយអ្វីឡើយ។ នៅតាមដងព្រែកកំពត និងនៅទំនប់វ៉ារីអគ្គិសនីកំចាយ ក៏ពុំមានអ្វីគួរឲ្យព្រួយបារម្ភ នោះដែរ។

ឯកឧត្តម​ បានបញ្ជាក់បន្ថែមថា នៅពេលនេះ រដ្ឋបាលខេត្ត បានត្រៀមលក្ខណៈគ្រប់មធ្យោបាយ និងស្បៀងអាហារសម្រាប់ជួយសង្គ្រោះដល់ប្រជាពលរដ្ឋ ក្នុងករណីហេតុការណ៍គ្រោះមហន្តរាយជំនន់ទឹកភ្លៀងកើតឡើង។

ចំពោះបញ្ហានេះឯកឧត្តមអភិបាលខេត្ត ក៏បានក្រើនរំលឹកផ្ដាំផ្ញើដល់អាជ្ញាធរក្រុង ស្រុក អង្គភាពកងកម្លាំងប្រដាប់អាវុធ និងមន្ទីរ អង្គភាពជំនាញពាក់ព័ន្ធក្នុងខេត្ត ត្រូវយកចិត្តទុកដាក់ប្រុងប្រយ័ត្ន ត្រៀមលក្ខណៈគ្រប់មធ្យោបាយចូលរួមសហការគ្នា ឲ្យបានសស្រាក់សស្រាំនៅចំពោះមុខហេតុការណ៍កើតឡើងដោយចៃដន្យ យើងមិនត្រូវធ្វេសប្រហែសឬមើលស្រាលចំពោះបញ្ហាទឹកជំនន់នេះបានឡើយ។ ពិសេសអាជ្ញាធរក្រុង​ ស្រុក ត្រូវមានការប្រុងប្រយ័ត្នយកចិត្តទុកដាក់ត្រៀមលក្ខណៈគ្រប់មធ្យោបាយ ទាំងទូក និងទីទួលសុវត្ថិភាព ស្បៀងអាហារ ថ្នាំពេទ្យដើម្បីទុកជួយសង្គ្រោះបន្ទាន់ដល់ប្រជាពលរដ្ឋនៅពេលជួបហេតុការណ៍ គ្រោះមហន្តរាយដែលអាចកើតមានឡើងដោយជំនន់ទឹកភ្លៀង គឺយើងមិនត្រូវទុកឱ្យ ប្រជាពលរដ្ឋណាម្នាក់រងគ្រោះឬស្លាប់ដោយយើងមិនបានយកចិត្តទុកដាក់ជួយនោះឡើយ៕

ព័ត៌មានគួរចាប់អារម្មណ៍

គណៈបញ្ចាការឯកភាព ​រដ្ឋបាលខេត្តកំពង់ចាម បើកកិច្ចប្រជុំបូក​សរុបការងារ រយៈពេល៩ខែ និង​លើកទិសដៅ​ការងារត្រីមាសទី៤ ឆ្នាំ២០២០ (ឆន្ទៈកូនខ្មែរ)

ព័ត៌មានគួរចាប់អារម្មណ៍

ជនជាតិថៃ​២នាក់ បើកត្រាក់​ទ័រច្រូត​ស្មៅ នៅ​ចំណុចប​ង្គោលសី​មាលេខ​៤៣ បាន​ជាន់​មីនតោ​ន​ផ្ទុះ​ខ្ទេចត្រាក់​ទ័រ បណ្តាល​ឲ្យស្លាប់ភ្លាមៗ (ឆន្ទៈកូនខ្មែរ)

ព័ត៌មានគួរចាប់អារម្មណ៍

កំពុង​តែបើកសុខៗ ស្រាប់តែឆ្លងចរន្តភ្លើង បណ្តាល​​ឲ្យឆាបឆេះក្លាយ​ជាអណ្ដាតភ្លើង យ៉ាង​សន្ធោសន្ធៅ (ឆន្ទៈកូនខ្មែរ)

ព័ត៌មានគួរចាប់អារម្មណ៍

ឃាត់ខ្លួនជនស​ង្ស័យចំនួន៣នាក់ ពាក់ពន្ធ័ករណីគ្រឿងញៀន (ឆន្ទៈកូនខ្មែរ)

ព័ត៌មានគួរចាប់អារម្មណ៍

លោកជំទាវកិត្តិសង្គហបណ្ឌិត​ ម៉ែន​ សំអន​ អញ្ជេីញជួបសំណេះសំណាល​ និងប្រគល់អំណោយ ដល់អង្គភាពកងកម្លាំងទាំងបី និង​រដ្ឋបាលក្រុង/ស្រុកចំនួន​៥​ក្នុងខេត្តស្វាយរៀង (ឆន្ទះកូនខ្មែរ)

វីដែអូ

ចំនួនអ្នកទស្សនា

ថ្ងៃនេះ :
636 នាក់
ម្សិលមិញ :
3525 នាក់
សប្តាហ៍នេះ :
17732 នាក់
ខែនេះ :
181714 នាក់
3 ខែនេះ :
709403 នាក់
សរុប :
3083072 នាក់