ក្រសួងធនធានទឹក និងឧតុនិយម អំពាវនាវដល់បងប្អូនប្រជាពលរដ្ឋ មានការប្រុងប្រយ័ត្ន ចាប់ពីថ្ងៃនេះ ដល់ថ្ងៃទី០៥ ខែតុលា ចំពោះបាតុភូតផ្គរ រន្ទះ និងខ្យល់កន្ត្រាក់
រាជធានីភ្នំពេញ៖ក្រសួងធនធានទឹក និងឧតុនិយម បានចេញសេចក្តីជូនដំណឹង ស្តីពីស្ថានភាពអាកាសធាតុនៅកម្ពុជា ចាប់ពីថ្ងៃនេះ ដល់ថ្ងៃទី០៥ ខែតុលា ឆ្នាំ២០១៩ ដោយកម្ពុជាបាននិងបន្តស្ថិតក្នុងតំបន់ជ្រលងសម្ពាធទាបនៅឡើយ និងឥទ្ធិពលខ្យល់ពីសមុទ្រចិនខាងត្បូងផងដែរ លក្ខណៈនេះបានធ្វើឲ្យៈ
១-តំបន់វាលទំនាប នៅបន្តមានភ្លៀងធ្លាក់រាយប៉ាយ ក្នុងកម្រិតពីមធ្យមទៅបង្គួរ។ទន្ទឹមនោះ រាជធានីភ្នំពេញ-ខេត្តមួយចំនួនមាន៖កំពត កំពង់ស្ពឺ តាកែវ កណ្តាល ព្រៃវែង ស្វាយរៀង និងរាជធានីភ្នំពេញ អាចមានភ្លៀងធ្លាក់ក្នុងកម្រិតពីបង្គួរទៅច្រើន។
២-តំបន់ខ្ពស់រាបនឹងអាចមានភ្លៀង ពីតិចទៅមធ្យម។
៣-តំបន់មាត់សមុទ្រនឹងអាចមានភ្លៀង ពីតិចទៅបង្គួរ។
ទន្ទឹមគ្នានេះក្រសួងធនធានទឹក និងឧតុនិយម បានអំពាវនាវដល់បងប្អូន ប្រជាពលរដ្ឋមានការប្រុងប្រយ័ត្ន ចំពោះបាតុភូតផ្គរ រន្ទះ និងខ្យល់កន្ត្រាក់៕