បញ្ជូនជនសង្ស័យ០៣នាក់ ទៅសាលាដំបូងរាជធានីភ្នំពេញ ដើម្បីផ្តន្ទាទោសតាមច្បាប់ ពាក់ព័ន្ធករណីលួចមានស្ថានទម្ងន់ទោស
រាជធានីភ្នំពេញ៖កម្លាំងសមត្ថកិច្ចជំនាញ នៃការិយាល័យស្រាវជ្រាវបទល្មើសព្រហ្មទណ្ឌ កងរាជអាវុធហត្ថរាជធានីភ្នំពេញ នាព្រឹកថ្ងៃទី២៦ ខែកញ្ញា ឆ្នាំ២០១៩ បញ្ជូនជនសង្ស័យ០៣នាក់ ទៅសាលាដំបូងរាជធានីភ្នំពេញ ពាក់ព័ន្ធករណីលួចមានស្ថានទម្ងន់ទោស។
សមត្ថកិច្ចបានឲ្យដឹងថា៖ជនសង្ស័យទាំង០៣នាក់ ដែលកម្លាំងអាវុធហត្ថមូលដ្ឋានខណ្ឌសែនសុខ ចាប់ឃាត់ខ្លួនបាននេះ បានធ្វើការស្រាវជ្រាវរហូតឈានដល់ការឃាត់ខ្លួនបានកាលពីថ្ងៃទី២២ ខែកញ្ញា ឆ្នាំ២០១៩ ដែលជាប់ពាក់ព័ន្ធករណី ធ្វើសកម្មភាពវាយដោយប្រើដំបង និងដំថ្មគប់ទៅលើជនរងគ្រោះ រហូតដល់ជនរងគ្រោះរត់ចោលម៉ូតូ ហើយពួកគេបានយកម៉ូតូរបស់ជនរងគ្រោះម៉ាកហុងដា Click ស៊េរីឆ្នាំ២០១៩ ពាក់ស្លាកលេខ កំពង់ចាម1V-2346 ជិះគេចខ្លួនបាត់ នៅចំណុចសង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ កាលពីថ្ងៃទី៣១ ខែសីហា ឆ្នាំ២០១៩កន្លងទៅ។
សមត្ថកិច្ចបញ្ជាក់ថា៖ជនសង្ស័យទាំ៣នាក់ដែលបញ្ជូនខ្លួនទៅតុលាការរួមមាន៖ទី១/ ឈ្មោះ លី ដាន ហៅហេង អាយុ២៦ឆ្នាំ,ទី២/ ឈ្មោះ សុខ សុវណ្ណ អាយុ២៣ឆ្នាំ និងទី៣/ឈ្មោះ ប្រាក់ សុនី ហៅម៉ាប់ អាយុ១៨ឆ្នាំ៕
