ថ្នាក់ដឹកនាំខេត្តកំពត អញ្ជើញចូលរួមក្នុងពិធី បុណ្យកាន់បិណ្ឌវេនទី៦ នៅវត្តស្នំប្រាំពីរ
ខេត្តកំពត៖នៅព្រឹកថ្ងៃព្រហស្បតិ៍ ៦រោច ខែភទ្របទ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី១៩ ខែកញ្ញា ឆ្នាំ២០១៩ ឯកឧត្តម ជាវ តាយ អភិបាល នៃគណៈអភិបាលខេត្តកំពត និងលោកស្រី បានអញ្ជើញចូលរួម កាន់បិណ្ឌវេនទី៦ នៅវត្តស្នំប្រាំពីរ ស្ថិតនៅឃុំម៉ាក់ប្រាង្គ ស្រុកទឹកឈូ ខេត្តកំពត ។
ក្នុងកម្មវិធីកាន់បិណ្ឌនេះដែរមានការអញ្ជើញចូលរួមពីលោក លោកស្រី សមាជិកក្រុមប្រឹក្សាខេត្ត អភិបាលរងខេត្ត នាយក នាយករងរដ្ឋបាលសាលាខេត្ត ប្រធានមន្ទីរអង្គភាពជំនាញជុំវិញខេត្ត កងកម្លាំងប្រដាប់អាវុធទាំងបីប្រភេទ នាយក នាយករងទីចាត់ការ ប្រធានអនុប្រធានអង្គភាពចំណុះសាលាខេត្ត មន្ត្រីរាជការ និងពុទ្ធិបរិស័ទ្ធ។
នាពិធីបុណ្យនេះឯកឧត្តម ជាវ តាយ អភិបាលខេត្ត បានប្រគេនយេគូដល់ព្រះសង្ឃ និងវេរចង្ហាន់ប្រគេនព្រះសង្ឃ ដើម្បីឧទ្ទិសកុសលផលបុណ្យជូនចំពោះបុព្វការីជន អ្នកស្នេហាជាតិ មាតាបិតាញាតិកា ៧សន្តាន ដែលបានចែកឋានទៅកាន់លោកខាងមុខ ជាកិច្ចឆ្លងបុណ្យ។
សូមបញ្ជាក់ថា៖ក្នុងឱកាសវេនកាន់បិណ្ឌវេនទី៦ នៅវត្តស្នំប្រាំពីរ បច្ច័យចូលរួម សរុបចំនួន ៨,៩៥០,០០០ រៀល។ក្នុងនោះដែរឯកឧត្តមអភិបាលខេត្តកំពត ក៏បានឧបត្ថម្ភថវិកា សរុប២៤០.០០០រៀល ដល់ កងកម្លាំងចំនួន១២នាក់ ដោយម្នាក់ៗទទួលបានថវិកា ២ម៉ឺនរៀលផងដែរ៕
