កម្មវិធីវេទិកាសាធារណៈ ថ្នាក់ក្រោមជាតិលើប្រធានបទ “វឌ្ឍនភាព និងការជម្រុញអភិបាលកិច្ចល្អ ក្នុងការគ្រប់គ្រងធនធានជលផល”
ខេត្តកំពត៖លោក ហាស់ សូបិន អភិបាលរងខេត្តកំពត តំណាងដ៏ខ្ពង់ខ្ពស់ ឯកឧត្តម ជាវ តាយ អភិបាល នៃគណៈអភិបាលខេត្តកំពត បានអញ្ជើញជាអធិបតីក្នុងកម្មវិធីវេទិកាសាធារណៈ ថ្នាក់ក្រោមជាតិ នៅវិទ្យាស្ថានពហុបច្ចេកទេសភូមិភាគតេជោសែនកំពត ដែលមានសមាសភាពចូលរួមមកពី មន្ទីរកសិកម្ម រុក្ខាប្រមាញ់ និងនេសាទ និងខណ្ឌជលផល អង្គការសង្គមស៊ីវិល និងសហគមន៍នៅខេត្តជាប់តំបន់ឆ្នេររួមមាន៖ខេត្តកំពត កែប កោះកុង និងខេត្តព្រះសីហនុ សរុបចំនួន ៩០ រូប លើប្រធានបទ “វឌ្ឍនភាព និងការជម្រុញអភិបាលកិច្ចល្អ ក្នុងការគ្រប់គ្រងធនធានជលផល” ដែលពិធីនេះបានធ្វើឡើងនៅព្រឹកថ្ងៃព្រហស្បតិ៍ ០៦រោច ខែបទ្របទ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី១៩ ខែកញ្ញា ឆ្នាំ២០១៩។
ចំពោះការរៀបចំវេទិកាសាធារណៈនេះឡើង ក្នុងគោលបំណង ដើម្បីបង្ហាញពីវឌ្ឍនភាពនៃការចូលរួមគ្រប់គ្រងធនធានជលផល និងពិភាក្សាពីបញ្ហា តម្រូវការរបស់សហគមន៍ទៅស្ថាប័នជំនាញ និងអាជ្ញាធរពាក់ព័ន្ធ ក្នុងការជួយអន្តរាគមន៍ ទប់ស្កាត់ និងបង្ក្រាបបទល្មើសនេសាទ និងស្វែងរកដំណោះស្រាយប្រកបដោយប្រសិទ្ធិភាព ដើម្បីបង្កើនទំនាក់ទំនង និងកិច្ចសហការរវាងសហគមន៍នេសាទ អាជ្ញាធរមូលដ្ឋាន ជំនាញពាក់ព័ន្ធនានា និងអង្គការជាដៃគូផងដែរ៕
