ក្រសួងព័ត៌មាន អំពាវនាវដល់ប្រព័ន្ធផ្សព្វផ្សាយទាំងអស់ ចូលរួមផ្សព្វផ្សាយសារអប់រំអំពីបញ្ហាគ្រឿងញៀន និងគ្រោះថ្នាក់ចរាចរណ៍ ក្នុងឱកាសបុណ្យកាន់បិណ្ឌ និងបុណ្យភ្ជុំបិណ្ឌ ប្រពៃណីជាតិ
រាជធានីភ្នំពេញ៖ដើម្បីការពារអាយុជីវិត និងទ្រព្យសម្បត្តិរបស់ប្រជាពលរដ្ឋដែលបង្កឡើងដោយគ្រោះថ្នាក់ចរាចរណ៍ និងការប្រើប្រាស់គ្រឿងញៀនដែលកំពុងជិះឥទ្ធិពលអាក្រក់ដល់សង្គមខ្មែរយើង នៅថ្ងៃទី១៦ ខែកញ្ញា ឆ្នាំ២០១៩នេះ ឯកឧត្តម ខៀវ កាញារីទ្ធ រដ្ឋមន្រ្តីក្រសួងព័ត៌មាន បានចេញសេចក្តីប្រកាសព័ត៌មាន និងជម្រាបជូនដល់ម្ចាស់ស្ថានីយវិទ្យុ ទូរទស្សន៍ ចាងហ្វាងកាសែត ទស្សនាវដ្ដី និងប្រព័ន្ធផ្សព្វផ្សាយតាមអនឡាញទាំងអស់ ចូលរួមផ្សព្វផ្សាយសារអប់រំអំពីបញ្ហាគ្រឿងញៀន និងគ្រោះថ្នាក់ចរាចរណ៍ ក្នុងឱកាសបុណ្យកាន់បិណ្ឌ និងបុណ្យភ្ជុំបិណ្ឌ ប្រពៃណីជាតិ។
យោងតាមសេចក្តីប្រកាសព័ត៌មានរបស់រដ្ឋមន្រ្តីក្រសួងព័ត៌មាន បានបញ្ជាក់ថា ពិធីបុណ្យកាន់បិណ្ឌ និងពិធីបុណ្យភ្ជុំបិណ្ឌប្រពៃណីជាតិ គឺចាប់ផ្តើមពីថ្ងៃទី១៤ ដល់ថ្ងៃទី២៩ ខែកញ្ញា ឆ្នាំ២០១៩ ដូច្នេះបងប្អូនប្រជាពលរដ្ឋខ្មែរទូទាំងព្រះរាជាណាចក្រកម្ពុជា នឹងធ្វើដំណើរទៅកាន់ទីវត្តអារាម និងទៅលេងស្រុកកំណើត ដើម្បីជួបជុំបងប្អូននិងក្រុមគ្រួសារនៅតាមរាជធានី និងខេត្តនានា ទូទាំងព្រះរាជាណាចក្រកម្ពុជា៕
ព័ត៌មានលំអិតសូមអញ្ជើញអាននូវសេចក្តីប្រកាសរបស់ក្រសួងព័ត៌មានដែលមានដូចខាងក្រោម៖
