បុរសម្នាក់បានស្លាប់ភ្លាមៗ នៅនឹងកន្លែង ក្នុងហេតុការណ៍ គ្រោះថ្នាក់ចរាចរណ៍ នៅពោធិ៍សាត់
ខេត្តពោធិ៍សាត់៖ឧបទ្ទវហេតុគ្រោះថ្នាក់ចរាចរណ៍ដ៏គួរឲ្យរន្ធត់ បង្កឡើងដោយរថយន្ត ម៉ាកឡង់គ្រីស័រពណ៍ស មួយគ្រឿង ពាក់ស្លាកលេខ (ខម) ១១១១៤បុកជនរងគ្រោះម្នាក់ បណ្តាលឲ្យស្លាប់ បាត់បង់ជីវិតភ្លាមៗ នៅនឹងកន្លែងកើតហេតុ។
ករណីគ្រោះថ្នាក់ចរាចរណ៍បានកើតឡើងកាលពីល្ងាចថ្ងៃទី១៣ ខែកញ្ញា ឆ្នាំ២០១៩ នៅលើផ្លូវជាតិលេខ៥ ត្រង់ចន្លោះបង្គោលគីឡូម៉ែត្រ លេខ១៩៤ -១៩៥ ក្នុងភូមិអណ្តូងសំប៊ូរ ឃុំស្នាមព្រះ ស្រុកបាកាន ខេត្តពោធិសាត់។
សមត្ថកិច្ចបានឲ្យដឹងថា៖ជនរងគ្រោះមានឈ្មោះ ឃុត មឿន ភេទប្រុស អាយុ២៩ឆ្នាំជនជាតិខ្មែររស់នៅភូមិទួលស្វាយ ឃុំកញ្ជរ ស្រុកកណ្តៀង ខេត្តពោធិសាត់។ចំណែកអ្នកបើកបរ រថយន្តមានឈ្មោះកែវ ភារ៉ា ភេទប្រុស អាយុ២៧ឆ្នាំ រស់នៅរាជធានីភ្នំពេញ។
ក្រោយការវាស់វែងរួច រថយន្តនិងម៉ូតូសមត្ថកិច្ចនគរបាលចរាចរណ៍បានយកមករក្សាទុក ដើម្បីធ្វើការដោះស្រាយ ទៅតាមផ្លូវច្បាប់។ចំណែកសាកសពជនរងគ្រោះត្រូវបានសមត្ថកិច្ចធ្វើ កំណត់ហេតុប្រគល់អោយទៅក្រុមគ្រួសារ ដើម្បីយកទៅធ្វើបុណ្យតាមប្រពៃណី៕