ចាប់ឃាត់ខ្លួនជនសង្ស័យចំនួន០៣នាក់ ពាក់ពន្ឋ័ករណីគ្រឿងញៀន
រាជធានីភ្នំពេញ៖កម្លាំងនគរបាលប៉ុស្តិ៍ចាក់អង្រែលើ បានធ្វើការល្បាតពួនស្ទាក់ចាប់ឃាត់ខ្លួនជនសង្ស័យបានចំនួន០៣នាក់ កាលពីវេលាម៉ោង០៥ទៀបភ្លឺ ថ្ងៃទី១២ ខែកញ្ញា ឆ្នាំ២០១៩ នៅចំណុចមុខសំណង់មិនរៀបរយ ផ្លូវ៦០ម៉ែត្រ ស្ថិតនៅក្នុងភូមិព្រែកតាគង់ សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ។
សមត្ថកិច្ចបានឲ្យដឹងថា ជនសង្ស័យដែរត្រូវឃាត់ខ្លួននោះរួមមាន៖
ទី១-ឈ្មោះ លេង ហួរ ភេទប្រុស អាយុ១៩ឆ្នាំ ជនជាតិខ្មែរ មុខរបរ កម្មករធ្វើតុទូ ទីលំនៅផ្លូវលំ ស្ថិតនៅភូមិតាងូវ សង្កាត់និរោធ ខណ្ឌច្បារអំពៅ រាជធានីភ្នំពេញ។
ទី២-ឈ្មោះ ម៉េត សំណាង ភេទ ប្រុស អាយុ១៩ឆ្នាំ ជនជាតិខ្មែរ មុខរបរ កម្មករធ្វើតុទូ ទីលំនៅផ្លូវលំ ស្ថិតនៅក្នុងភូមិតាងូវ សង្កាត់និរោធ ខណ្ឌច្បារអំពៅ រាជធានីភ្នំពេញ។
ទី៣-ឈ្មោះ ចេង វុទ្ធី ភេទប្រុស អាយុ១៩ឆ្នាំជនជាតិខ្មែរ មុខរបរ កម្មករធ្វើតុទូ ទីលំនៅផ្លូវលំ ស្ថិតនៅក្នុងភូមិតាងូវ សង្កាត់និរោធ ខណ្ឌច្បារអំពៅ រាជធានីភ្នំពេញ។
វត្ថុតាងដកហូតបានរួមមាន៖ក្រាមពណ៌សថ្លាចំនួន០៤កញ្ចប់ថង់តូច និងម៉ូតូ០១គ្រឿងម៉ាកវីវ៉ា ពណ៌ខ្មៅ ពាក់ស្លាកលេខ ភ្នំពេញ 1AC-6876។
បច្ចុប្បន្ន ជនសង្ស័យ ត្រូវបានឃាត់ខ្លួននៅអធិការដ្ឋាននគរបាលខណ្ឌមានជ័យ ដើម្បីកសាងសំណុំរឿង ចាត់តាមនីតិវិធី៕