ថ្ងៃMontag ទី២០ ខែមករា ឆ្នាំ២០២០
គេហទំព័រកំពុងសាកល្បង
ពលរដ្ឋខ្មែរចំនួន៤នាក់បា​នស្លាប់ ក្នុងគ្រោះ​ថ្នាក់ចរាចរណ៍ នៅប្រទេសថៃ
Thu,12 September 2019 (Time 07:10 PM)
ដោយ ៖ ឆន្ទៈកូនខ្មែរ (ចំនួនអ្នកអាន: 121នាក់)


ប្រទេសថៃ៖នៅវេលាម៉ោង១០និង២​៤នាទីព្រឹក ថ្ងៃព្រហស្បតិ៍ ១៤កើត ខែភទ្របទ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី១២ ខែកញ្ញា ឆ្នាំ២០១៩ មានករណីគ្រោះថ្នាក់ចរាចរណ៍​ដ៏គួរឲ្យរន្ធត់​មួយបានកើតឡើងនៅមុខវត្តណូនជិក ឃុំវឌ្ឍនាណាក់ខន ស្រុកវឌ្ឍនាណាក់ខន ខេត្តសាកែវ ប្រទេស​ថៃ បានបណ្តាលឱ្យមានមនុស្សស្លាប់ចំនួន៥នាក់ និងរងរបួសចំនួន៧នាក់ ក្នុងនោះពល​រដ្ឋខ្មែរចំនួន ១០នាក់(ជាទេសចរ និងអ្នកជំងឺ) ដែលជិះក្នុងរថយន្តវ៉ែនបើកបរដោយជនជាតិថៃ ទិសដៅពីបាងកក មកកាន់ច្រកព្រំដែនអន្តរជាតិប៉ោយប៉ែត-ខ្លងលឹក បានរងគ្រោះស្លាប់ចំនួន៤នាក់ (៣នាក់ជាស្ត្រី និងម្នាក់ជាកុមារា)។

ចំណែក៦នាក់ផ្សេងទៀត គឺ៤នាក់រងរបួសស្រាល និង២នាក់រងរបួសធ្ងន់ កំពុងទទួលការសង្គ្រោះ​នៅមន្ទីរពេទ្យ។ដោយឡែកតៃកុងឡានវ៉ែនដែលជាជនជាតិថៃបានស្លាប់។រីឯអ្នកបើកបររ​ថយន្ត​ទេស​ចរណ៍កំពុងសន្លប់មិនទាន់ដឹងខ្លួននៅឡើយ។ 

បើតាមសេចក្តីរាយការណ៍បានឲ្យដឹងថា ហេតុការណ៍ គ្រោះថ្នាក់ចរាចរណ៍បង្កឡើងដោយ រថយន្ត​ប្រភេ​ទទេសចរណ៍មួយគ្រឿង ម៉ាក Toyota Camery ពាក់ស្លាកលេខសាកែវ កខ-៣៧៨៩ ក្នុងទិសដៅបញ្ច្រាស់ទិសគ្នា បានបុកយ៉ាងពេញទំហឹង​ជាមួយរថយន្តប្រភេទវ៉ែន​ដឹកអ្នកដំណើរមួយ​គ្រឿង ពាក់ស្លាកលេខបាងកក ៣៣-៤៩៣៣ ដែលកំពុងធ្វើដំណើរទិសដៅពីទីក្រុងបាងកក ឆ្ពោះមកកាន់ផ្សាររោងក្លឿ ច្រកព្រំដែនអន្តរជាតិកម្ពុជា-ថៃ ប៉ោយប៉ែត-ខ្លងលឹក ។

ពលរដ្ឋខ្មែរទាំង៤នាក់ ដែលបានស្លាប់រួមមាន៖
ទី១.អោក លីម ភេទស្រី អាយុ៥១ឆ្នាំ 
ទី២.ជួង ស៊ីញីន ភេទស្រី អាយុ១៦ឆ្នាំ
ទី៣.ជួង ចាន់នីន ភេទស្រី អាយុ១៧ឆ្នាំ
ទី៤.ជួង ឡៃអ៊ិន ភេទប្រុស អាយុ១១ឆ្នាំ
ជនរងគ្រោះទាំ៤នាក់ខាងលើរស់នៅភូមិគោកព្រិច ឃុំតាផូ ស្រុកស្វាយចេក ខេត្តបន្ទាយមានជ័យ។

ក្រោយពីកើតហេតុភ្លាមមន្ត្រីស្ថានអគ្គកុងស៊ុលនៃព្រះរាជាណាចក្រកម្ពុជាប្រចាំខេត្តសាកែវ(ស្រះកែវ) បានចុះទៅកាន់កន្លែងកើតហេតុ ជួបជនរងគ្រោះជាពលរដ្ឋខ្មែរ អាជ្ញាធរពាក់ព័ន្ធថៃ និងបាននិង​កំពុង​សហការជាមួយសាច់ញាតិសព ជនរងគ្រោះ ជាពលរដ្ឋខ្មែរខាងលើ ព្រមទាំងអាជ្ញា​ធរពាក់​ព័ន្ធថៃ-កម្ពុជា ដើម្បីរៀបចំបែបបទនាំយកសពទៅធ្វើបុណ្យតាមប្រពៃណីនៅកម្ពុជា៕

ព័ត៌មានគួរចាប់អារម្មណ៍

ការពិត!វរសេនីយ៍ឯក ស ប៊ុនសឿង និងអនុសេនីយ៍ទោ ឆយ រដ្ឋនា មន្ត្រីកងរាជអាវុធហត្ថ​ខេត្ត​បន្ទា​យ​មានជ័យ ជាអ្នកប្រើអំពើហិង្សា វាយពលរដ្ឋម្នាក់ស្លាប់ពិតប្រាកដមែន (ឆន្ទៈកូនខ្មែរ)

ព័ត៌មានគួរចាប់អារម្មណ៍

បុរសម្នាក់​ជិះម៉ូតូទៅលេងផ្ទះសង្សារ ចោរធាក់ប្លន់យកម៉ូតូស្កុប​ពីសេរី​២០១៩ទៅបាត់ រួមទាំ​ងកាបូប​លុយ (ឆន្ទៈកូនខ្មែរ)

ព័ត៌មានគួរចាប់អារម្មណ៍

បញ្ជូនខ្លួនជនសង្ស័យម្នាក់ ទៅតុលាការ ករណីលួច (ឆន្ទៈកូនខ្មែរ)

ព័ត៌មានគួរចាប់អារម្មណ៍

បុរសម្នាក់ ​បែកខ្លួនខ្ទេចខ្ទីស្លាប់ មើលលែងយល់ ដោយសារថយន្តបែនដឹកថ្ម​ បើកបុកម៉ូតូកិនពីលើ (ឆន្ទៈកូនខ្មែរ)

ព័ត៌មានគួរចាប់អារម្មណ៍

ឃាត់ខ្លួនម​នុស្ស៧​នាក់ រួមនឹង​រថយន្តក្រុងវៀតណា​ម បង្កប់ឈើប្រណិ​ត១គ្រឿង នៅ​ស្រុកសេសាន្ត (ឆន្ទៈកូនខ្មែរ)

វីដែអូ

ចំនួនអ្នកទស្សនា

ថ្ងៃនេះ :
1747 នាក់
ម្សិលមិញ :
5339 នាក់
សប្តាហ៍នេះ :
37811 នាក់
ខែនេះ :
168764 នាក់
3 ខែនេះ :
447599 នាក់
សរុប :
991878 នាក់