ចាប់ឃាត់ខ្លួនឃាតករជាប្តី សម្លាប់ប្រពន្ធ កាលពី២ថ្ងៃមុន នៅខេត្តក្រចេះបានហើយ
ខេត្តក្រចេះ៖ជនសង្ស័យដែលត្រូវជាប្ដី បានសម្លាប់ប្រពន្ធកាលពី២ថ្ងៃមុន នៅខេត្តក្រចេះត្រូវបានសមត្ថកិច្ចចាប់ខ្លួនបានហើយនៅវេលាម៉ោង៦ និង៣០នាទីព្រឹក ថ្ងៃទី៧ ខែសីហា ឆ្នាំ២០១៩ នៅចំណុចផ្លូវបំបែកសណ្ដាន់ ឃុំក្បាលដំរី ស្រុកសំបូរ ខេត្តក្រចេះ ។
គួររំលឹកដែរថា កាលពីព្រលប់ ថ្ងៃទី៥ ខែសីហា ឆ្នាំ២០១៩ ជនសង្ស័យជាប្តីមានឈ្មោះ សំ សុភ័ក្ត្រា ហៅភ័ក្ត្រ អាយុ៣១ឆ្នាំ បានយកកាំបិតផ្គាក់ កាប់សម្លាប់លើស្រ្តីរងគ្រោះជាប្រពន្ឋឈ្មោះ គង់ ស្រីទូច អាយុ២៧ឆ្នាំ រួចអូសសាកសពទម្លាក់ចោលក្នុងទឹកប្រឡាយ នៅក្បែរផ្លូវលំមួយកន្លែង ក្នុងសង្កាត់អូរឬស្សី ក្រុងក្រចេះ ខណៈដែលស្រ្តីរងគ្រោះកំពុងជិះម៉ូតូត្រឡប់ពីទិញបង្អែមនៅផ្សារ។
ក្រោយធ្វើសកម្មភាពរួច ជនសង្ស័យបានគេចខ្លួនបាត់ ទើបរហូតមកដល់ពេលនេះកម្លាំងសមត្ថកិច្ចចាប់ខ្លួនបាន។
សូបញ្ជាក់ដែរថា៖ករណីដ៏សាហាវព្រៃផ្សៃនេះរហូតមកទល់ពេលនេះនូវមិនទាន់ដឹងពីមូលនៅឡើយ សមត្ថកិច្ចកំពុងធ្វើការសាកសួរ និងកសាងសំណុំរឿងដើម្បីចាត់ការតាមនិតិវិធី៕
