ស្ត្រីម្នាក់បានស្លាប់ ខណៈបញ្ជូនទៅមន្ទីរពេទ្យ ដោយសារយកថ្នាំខ្មៅលាបសក់មកផឹក
ខេត្តស្វាយរៀង៖ស្ត្រីវ័យ៦៣ឆ្នាំម្នាក់បានស្លាប់ ខណៈដែលក្រុមគ្រួសារដឹកបញ្ជូនដល់មន្ទីរពេទ្យ ដោយសារវង្វេងភ្លេចភ្លាំងយកថ្នាំខ្មៅលាបសក់មកផឹក បណ្តាលពុលប្រកាច់រហូតដល់ស្លាប់។
ករណីនេះបានកើតឡើងកាលពីថ្ងៃអង្គារ៍ ៦កើត ខែស្រាពណ៍ ឆ្នាំកុរ ឯកស័ក ព.ស ២៥៦៣ ត្រូវថ្ងៃទី៦ ខែសីហា ឆ្នាំ២០១៩ នៅផ្ទះរបស់ខ្លួនស្ថិតក្នុងភូមិថ្មី ឃុំសំបួរ ស្រុកស្វាយទាប ខេត្តស្វាយរៀង។
យោងតាមសត្ថកិច្ចបានឲ្យដឹងថា មុនពេលកើតហេតុកូនរបស់គាត់បានយក ថ្នាំលាបសក់ចាក់ដាក់ចាន ហើយយកទៅទុកលើទូ តែមិនដឹងយ៉ាងមេច ស្រាប់តែគាត់យកថ្នាំដាក់នៅលើទូយកមកផឹកអស់។
ក្រោយពីជនរងគ្រោះផឹកថ្នាំលាបសក់រួចមក ថ្នាំចាប់ផ្តើមធ្វើទុកប្រកាច់បែកពពុះមាត់ ពេលនោះកូនចៅក្រុមគ្រួសារដឹង ក៏បានបញ្ជូនគាត់ទៅសង្គ្រោះនៅមន្ទីពេទ្យស្រុកស្វាយទាប ដោយស្ថានភាពរបស់អ្នកជំងឺធ្ងន់ធ្ងរពេក មន្ទីរពេទ្យស្រុកស្វាយទាបបាន បញ្ជូនបន្តទៅមន្ទីរពេទ្យខេត្តស្វាយរៀង ពេលទៅដល់មន្ទីរខេត្តស្វាយរៀង ក្រុមគ្រូពេទ្យពិនិត្យហើយ បានប្រាប់ថា គាត់បានស្លាប់ហើយ។
ជនរងគ្រោះមានឈ្មោះ គង់ ម៉ាន់ ភេទស្រី អាយុ៦៣ឆ្នាំ មុខរបរកសិករ មានទីលំនៅភូមិឃុំខាងលើ មានជំងឺវង្វេងប្រចាំកាយ បានយកថ្នាំអ៊ុតសក់ពណ៌ខ្មៅ ដែលកូនទុកលើទូយកមកផឹក បណ្តាលអោយពពុះប្រកាច់ស្លាប់ពេលបញ្ជូនទៅដល់មន្ទីរពេទ្យ។
ក្រោយកើតហេតុសមត្ថកិច្ចបានចុះដល់កន្លែងបានធ្វើការពិនិត្យ និងធ្វើកោសល្យវិច្ច័យឃើញថា ជនរងគ្រោះពិតជាបានផឹកថ្នាំអ៊ុតសក់បណ្តាលអោយស្លាប់ពិតប្រាកដមែន។បច្ចុប្បន្នសព ត្រូវបានក្រុមគ្រួសាដឹកយកមកធ្វើបុណ្យតាមប្រពៃណី៕