ចាប់ឃាត់ខ្លួន ជនសង្ស័យប្រុស ស្រីចំនួន៥នាក់ ពាក់ពន្ឋ័ករណីឆបោក នៅស្រុកឧដុង្គ
ខេត្តកំពង់ស្ពឺ៖កម្លាំងកងរាជអាវុធហត្ថមូលដ្ឋានស្រុកឧដុង្គ សំរោងទង នឹងកម្លាំងនៃមន្ទីរយុត្តិធម៌ ដឹកនាំកម្លាំងដោយលោកវរសេនីយ៍ទោ ទិត្យ វណ្ណះ ប្រធានមន្ទីរយុត្តិធម៍ដោយមានការសម្របសម្រួល ពីលោកស្រី ចាត សូរស្មី ព្រះរាជអាជ្ញាអមសាលាដំបូងខេត្តកំពង់ស្ពឺ នាថ្ងៃទី០៤ ខែសីហា ឆ្នាំ២០១៩ បានឃាត់ខ្លួនជនសង្ស័យប្រុស ស្រីចំនួន០៥នាក់ បាក់ពន្ឋ័ករណីឆបោក នៅជាប់ផ្លូវលេខ៥១ ស្ថិតនៅភូមិអំពឹលរូង ឃុំព្រះស្រែ ស្រុកឧដុង្គ ខេត្តកំពង់ស្ពឺ។
ជនសង្ស័យទាំង០៥នាក់ ដែលត្រូវចាប់ឃាត់ខ្លួនរួមមាន៖ទី១-ឈ្មោះ នួន វណ្ណា ភេទប្រុស អាយុ៤១ឆ្នាំ មុខរបរបុគ្គលឹកក្រុមហ៊ុន សុខរដ្ឋា អចលទ្រព្យ មានទីលំភូមិជើងស្រុក ឃុំជង្រុក ស្រុកគងពិសី ខេត្តកំពង់ស្ពឺ។
ទី២-ឈ្មោះ តន់ សុផាន់ណានិន ភេទស្រី អាយុ៣៥ឆ្នាំ មុខរបរកម្មករ រោងចក្រ មានទីលំនៅភូមិព្រៃភក្តី ឃុំព្រៃពួច ស្រុកអង្គស្នួល ខេត្តកណ្តាល។
ទី៣-ឈ្មោះ ភោគ សានិន ភេទប្រុសអាយុ៥៩ឆ្នាំ មុខរបរមិនពិតប្រាកដមានទីលំនៅភូមិកំបូល សង្កាត់កំបូលខណ្ឌកំបូល រាជធានីភ្នំពេញ។
ទី៤-ឈ្មោះ ច្រឹក ចិត្រា ភេទប្រុស អាយុ៣៨ឆ្នាំ មុខរបរលក់ដូរ មានទីលំនៅភូមិភ្នំពេញថ្មី សង្កាត់គោកឃ្លាងខណ្ឌសែនសុខ រាជធានីភ្នំពេញ។
ទី៥-ឈ្មោះ ហ៊ាង អេងទ្រី ភេទប្រុសអាយុ៣២ឆ្នាំ មុខរបរមិនពិតប្រាកដមានទីលំនៅភូមិត្រពាំងជើងស្រុកសង្កាត់ក្រាំងធ្នង់ ខណ្ឌសែនសុខ រាជធានីភ្នំពេញ។
វត្ថុតាងដកហូតបានរួមមាន៖
-ប្រាក់ដុល្លាចំនួន០៥ម៉ឺនដុល្លា
-អត្តសញ្ញាណបណ្ណ័០៤សន្លឹក
-កិច្ចសន្យាកក់ប្រាក់០១សន្លឹក
-លិខិតប្រគល់ទទួលប្រាក់០១សន្លឹក+លិខិតក្រុមហ៊ុន សុខរដ្ឋា ខេមបូឌារប្រជីធី អ៊ិនវេសម៉ិន
ឯ.ក ០១សន្លឹក
-ឯកសារដី០១ច្បាប់ =០៦សន្លឹកទំហំដី ១៧៥២៥៦ម៉ែត្រការ៉េ ស្ថិតនៅភូមិប្រកិល ឃុំព្រះស្រែ ស្រុក
ឧដុង្គ ខេត្តកំពង់ស្ពឺ
-រថយន្ត០១គ្រឿង ម៉ាកហាយឡិនដឺ ពណ៌ស សេរី២០០១ ស្លាកលេខ ភ្នំពេញ.2Z.2321
-ទូរស័ព្ទ ដៃ០៨គ្រឿង។
សូមបញ្ជាក់ដែរថា៖ជនទាំង៥នាក់ខាងលើនេះបានយកដីអ្នកដទៃទៅលក់ ដោយម្ចាស់ដីបានដឹង ប្តឹងមកកម្លាំងជាក់ស្តែងកំពុងប្រគល់ប្រាក់។
បច្ចុប្បន្នជនសង្ស័យ រួមនឹងវត្ថុតាងទាំងអស់ ត្រូវបានបញ្ជូនមកបញ្ជាការដ្ឋានកងរាជអាវុធហត្ថខេត្ត ដើម្បី អនុវត្តតាមនីតិវិធីច្បាប់៕