ប្រជាពលរដ្ឋប្រទះឃើញ គ្រាប់មិនទាន់ផ្ទុះជិត១តោន ដែលបន្សល់ទុកពីសម័យសង្គ្រាម
ខេត្តបន្ទាយមានជ័យ៖គ្រាប់មិនទាន់ផ្ទុះជិត១តោន ដែលបន្សល់ទុកពីសម័យសង្គ្រាម ត្រូវបានប្រជាពលរដ្ឋស្រុកម៉ាឡៃ ប្រទះឃើញខណ: ដែលកំពុងកាប់ឆ្ការដីព្រៃ។
ក្រោយពីទទួលបានព័ត៌មានពីប្រជាពលរដ្ឋភ្លាមកងកម្លាំងយោធភូមិភាគទី៥ កម្លាំងកងរាជអាវុធហត្ថស្រុក និងមន្រ្តីជំនាញស៊ីម៉ាក បានចុះត្រួតពិនិត្យរណ្តៅគ្រាប់ កាលពីថ្ងៃទី២៨ ខែសីហា ឆ្នាំ២០១៩ ស្ថិតក្នុងស្រុកម៉ាឡៃ ខេត្តបន្ទាយមានជ័យ ។
មន្ត្រីយោធា នៃយោធភូមិភាគទី៥ បានឲ្យដឹងថា គ្រាប់រកឃើញរួមមាន៖គ្រាប់ B40.5, គ្រាប់ត្បាល់៨០,គ្រាប់ត្បាល់៦០,គ្រាប់ដេកា៨២,មីនតោន និងគ្រាប់កាំភ្លើងAK ជាដើម។
មន្ត្រីយោធាដដែរបន្តថា៖បច្ចុប្បន្នគ្រាប់ទាំងនេះ ត្រូវប្រមូលយកទៅទុកនៅអង្គភាពស៊ីម៉ាក់ ដើម្បីពិនិត្យមើល រង់ចាំការសម្រេចនៅពេលក្រោយ៕