ជនជាតិចិន១៥០នាក់ ត្រូវបានបណ្តេញចេញប្រទេសកម្ពុជា ជាប់ពាក់ពន្ធ័ករណីការជំរិតទារប្រាក់ តាមអ៊ីធឺណែត
រាជធានីភ្នំពេញ៖អគ្គនាយកដ្ឋានអន្តោប្រវេសន៍ ក្រសួងមហាផ្ទៃ បានបណ្តេញជនជាតិចិន ប្រុសស្រី ១៥០នាក់ កាលពីព្រឹកថ្ងៃទី២៨ ខែសីហា ឆ្នាំ២០១៩ ពាក់ពន្ធ័ករណីជំរិតទារប្រាក់ តាមប្រពន្ធ័អ៊ីនធើណេតហៅកាត់ថា VOIP តាមព្រលានយន្តហោះអន្តរជាតិពោធិចិនតុង តាមជើងយន្តហោះពិសេសរបស់ប្រទេសចិន ហើយបានប្រគល់ឲ្យប៉ូលិសចិនចាត់ការបន្តរ។
ជនជាតិចិនទាំង១៥០នាក់ខាងលើ ត្រូវបាននាយកដ្ឋានប្រឆាំង ភេរវកម្ម និងឧក្រិដ្ឋកម្មឆ្លងដែន និងនាយកដ្ឋានប្រឆាំងបទល្មើសល្បែងពាណិជ្ជកម្ម នៃអគ្គស្នងការដ្ឋាននគរបាលជាតិ បានបង្ក្រាបចំនួន២ករណី។
ករណីទី១-ឃាត់ជនជាតិចិនបានចំនួន១៨នាក់ កាលពីថ្ងៃទី២០ ខែកក្កដា ឆ្នាំ២០១៩ នៅខេត្តកំពង់ស្ពឺ ពីបទល្មើស ឆបោកតាមប្រពន្ធ័ទូរគមនាគមន៍ (VOIP ។
ករណីទី២-ឃាត់ជនជាតិចិនបានចំនួន១៣២នាក់ នៅខេត្តព្រះសីហនុកាលពីថ្ងៃទី១៥ ខែសីហា ឆ្នាំ២០១៩ ពីបទល្មើស ឆបោកតាមប្រពន្ធ័ទូរគមនាគមន៍ ( VOIP )៕
