រថយន្ដដឹកប្រេងខ្មៅ បុកជាមួយរថយន្តដឹកថ្ម សំណាងល្អគ្មានអ្នករងគ្រោះថ្នាក់
ខេត្តកំពង់ស្ពឺ៖នៅព្រឹកថ្ងៃទី២៨ ខែសីហា ឆ្នាំ២០១៩ មានករណីគ្រោះថ្នាក់ចរាចរណ៍ដ៏រន្ធត់មួយបានកើតឡើង រវាងរថយន្ដដឹកប្រេងខ្មៅ បុកជាមួយរថយន្តដឹកថ្ម សំណាងល្អមិនបណ្ដាលឲ្យមានមនុស្សរងគ្រោះ ប៉ុន្ដែរថយន្ដដឹកប្រេងខ្មៅ បានធ្លាយស៊ីទែន បណ្ដាលឲ្យហូរប្រេងពាសពេញផ្លូវ មិនអាចឲ្យរថយន្ដផ្សេងទៀតធ្វើចរាចរណ៍បាននោះទេ។
ករណីនេះបានកើតឡើងនៅចំណុចគីឡូម៉ែត្រលេខ១០៣-១០៤ កំណាត់ផ្លូវជាតិលេខ៤ ស្ថិតនៅក្នុងស្រុកភ្នំស្រួច ខេត្តកំពង់ស្ពឺ។
លោកស្នងការបានឲ្យដឹងថា ដើម្បីបញ្ចៀសគ្រោះថ្នាក់បន្ដទៀត លោកបានសម្រេចផ្អាកចរាចរណ៍ជាបណ្ដោះអាសន្ន ហើយលោកបានបញ្ជូនរថយន្ដពន្លត់អគ្គិភ័យចំនួន២គ្រឿង ដើម្បីទៅបាញ់សម្អាតផ្លូវនៅតំបន់ខាងលើ។
ជាមមួយគ្នានោះលោកក៏បានជូនដំណឹងដល់ប្រជាពលរដ្ឋ ដែលត្រូវធ្វើដំណើរឆ្លងកាត់តំបន់ខាងលើ ត្រូវវាងផ្លូវជាបណ្ដោះអាសន្ន ដើម្បីកុំឲ្យមានគ្រោះថ្នាក់កើតឡើងជាយថាហេតុ៕