ឃាត់ខ្លួនជនសង្ស័យចំនួន០២នាក់ ពាក់ពន្ឋ័ករណីចែកចាយ នឹងរក្សាទុកនូវសារធាតុញៀន
ខេត្តកំពង់ស្ពឺ៖កម្លាំងមូលដ្ឋានកងរាជអាវុធហត្ថក្រុងច្បារមន ដឹកនាំកម្លាំងដោយ លោក វរសេនីយ៍ត្រី ធី ឆៃ មេបញ្ជាការមូលដ្ឋានកងរាជអាវុធហត្ថ ក្រុងច្បារមន បានឃាត់ខ្លួនជនសង្ស័យចំនួន០២នាក់ ពាក់ពន្ធ័ករណីចែកចាយ នឹងរក្សាទុកនូវសារធាតុញៀនខុសច្បាប់។
ការចាប់ឃាត់ខ្លួនជនសង្ស័យនេះបានធ្វើឡើងនាថ្ងៃទី២៨ ខែសីហា ឆ្នាំ២០១៩ នៅចំណុចភូមិភ្នំដី សង្កាត់ច្បារមន ក្រុងច្បារមន ខេត្តកំពង់ស្ពឺ។
សមត្ថកិច្ចបានឲ្យដឹងថា ជនសង្ស័យដែលត្រូវចាប់ឃាត់ខ្លួននោះមានឈ្មោះ គង់ ចាន់ថេន ភេទប្រុស អាយុ៣៥ឆ្នាំ មុខរបរមិនពិតប្រាកដ មានទីលំនៅ ភូមិ សង្កាត់ ខាងលើនិងឈ្មោះ ផាត់ គឿន ភេទប្រុស អាយុ៣០ឆ្នាំ មានទីលំនៅភូមិ សង្កាត់ជាមួយគ្នា។
វត្ថុតាងដែរដកហូតបានរួមមាន៖ថ្នាំញៀនម៉ាទឹកកកចំនួន១៨កញ្ចប់ ស្មើ១៥.៤៩ក្រាម,ថង់ច្រកថ្នាំញៀនចំនួន៣៤ថង់,ក្រដាសបញ្ចាំ០២សន្លឹក,ដែកកេស០៨.ទូរស័ព្ទ០១គ្រឿង,ដប់សំរាប់ជក់ថ្នាំចំនួន០២។
បច្ចុប្បន្នជនសង្ស័យ រួមនឹងវត្ថុតាងត្រូវបានបញ្ជូនទៅបញ្ជាការដ្ឋាន កងរាជអាវុធហត្ថខេត្តកំពង់ស្ពឺ ដើម្បីអនុវត្តតាមនីតិវិធីច្បាប់៕
