ឯកឧត្តមបណ្ឌិត ប៉ែន ស៊ីម៉ន អញ្ជើញជាអធិបតី ក្នុងពិធីសំណេះសំណាល ជាមួយគ្រូបង្រៀនស្ម័គ្រចិត្ត និងសិស្សរៀនបំប៉ន ត្រៀមប្រឡងសញ្ញាបត្រមធ្យមសិក្សាទុតិយភូមិ ឆ្នាំសិក្សា២០១៨-២០១៩
ខេត្តកំពត៖នារសៀលថ្ងៃសុក្រ ២កើត ខែស្រាពណ៍ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី០២ ខែសីហា ឆ្នាំ២០១៩ ឯកឧត្តមបណ្ឌិត ប៉ែន ស៊ីម៉ន អ្នកតំណាងរាស្រ្ត និងជាប្រធានគណៈកម្មការទី១០ នៃរដ្ឋសភា ឯកឧត្តម ជាវ តាយ អភិបាល នៃគណៈអភិបាលខេត្តកំពត និងឯកឧត្តម ជឹង ផល្លា ប្រធានក្រុមប្រឹក្សាខេត្ត បានអញ្ជើញជាអធិបតីក្នុងពិធីសំណេះសំណាល ជាមួយគ្រូបង្រៀនស្ម័គ្រចិត្ត និងសិស្សរៀនបំប៉នត្រៀមប្រឡងសញ្ញាបត្រមធ្យមសិក្សាទុតិយភូមិ ឆ្នាំសិក្សា២០១៨-២០១៩ ។
សមាសភាពដែលអញ្ជើញចូលរួម ឯកឧត្តម លោកជំទាវ ក្រុមប្រឹក្សាខេត្ត ឯកឧត្តម លោកជំទាវ អភិបាលរងខេត្ត លោកនាយករដ្ឋបាលសាលាខេត្ត ប្រធានមន្ទីរ អង្គភាពជុំវិញខេត្ត នាយកទីចាត់ការ អង្គភាពចំណុះសាលាខេត្ត លោកគ្រូ អ្នកគ្រូ សិស្សានុសិស្ស ស្រុកឈូក ដងទង់ និងជុំគីរី សរុបប្រមាណ១៧០០នាក់។
ក្នុងឱកាសនេះដែរ ឯកឧត្តមបណ្ឌិត ប៉ែន ស៊ីម៉ន បានឧបត្ថម្ភថវិកាសរុប៨៩,២៥០,០០០រៀល ដល់សិស្សានុសិស្ស សរុប១,៥៧៧នាក់ ដោយម្នាក់ៗទទួលបាន៥ម៉ឺនរៀល និងលោកគ្រូអ្នកគ្រូចំនួន ១០៤នាក់ ដោយម្នាក់ៗទទួលបាន១០ម៉ឺនរៀល។
ឯកឧត្តមអភិបាលខេត្ត បានឧបត្ថម្ភ ថវិកាសរុប១,០៦០,០០០រៀល ដល់កងម្លាំងនរគបាល កងរាជអាវុធហត្ថប្រជាការពារចំនួន៣៨នាក់ ដោយម្នាក់ៗទទួលបាន២ម៉ឺនរៀល និងក្រុមគ្រូពេទ្រ៦នាក់ ដោយម្នាក់ៗទទួលបានថវិកា៥ម៉ឺនរៀលផងដែរ៕