ចាប់ឃាត់ខ្លួន ជនសង្ស័យចំនួន២នាក់ ពាក់ពន្ឋ័ករណីគ្រឿងញៀន
ខេត្តកំពត៖ដោយមានបទបញ្ជារនិងការណែនាំពីលោកឧត្តមសេនីយ៍ត្រី កែវ សុផល មេបញ្ជាការកងរាជអាវុធហត្ថខេត្តកំពត កាលពីវេលាម៉ោង១១និង២៥នាទី ថ្ងៃទី២៥ ខែសីហា ឆ្នាំ២០១៩ កម្លាំងការិយាល័យបទល្មើសគ្រឿងញៀន នៃមន្ទីរយុត្តិធម៌អាវុធហត្ថខេត្តកំពត បានចុះបង្ក្រាបករណីរក្សាទុក ដឹកជញ្ជូន ជួញដូរដោយខុសច្បាប់នូវសារធាតុញៀន នៅចំណុចភូមិជុំគ្រៀល ឃុំជុំគ្រៀល ស្រុកទឹកឈូ ខេត្តកំពត។
លទ្ធផលកម្លាំងបានឃាត់ជនសង្ស័យបានចំនួន២នាក់ទី១-ឈ្មោះ ហុង ស៊ីថា ភេទ ប្រុស អាយុ៣១ឆ្នាំ ជនជាតិខ្មែរ មុខរបរមិនពិតប្រាកដ រស់នៅភូមិ ឃុំ ខាងលើ(ជាមុខសញ្ញចាស់ដែលអាវុធហត្ថធ្លាប់ចាប់និងទើបចេញពីពន្ធធានាគារថ្មីៗ) និងទី២-ឈ្មោះ សំបូរ យុទ្ធនៈ ភេទប្រុស អាយុ២៧ឆ្នាំ រស់នៅភូមិត្រពាំងធំ ឃុំត្រពាំងធំ ស្រុកទឹកឈូ ខេត្តកំពត។
វត្ថុតាងដែលដកហតបានរួមមានៈគ្រឿងញៀនម្សៅក្រាមពណ៌សរថ្លាចំនួន៥កញ្ចប់ធំ និង១៣កញ្ចប់តូចមានទម្ងន់៥២៩.៣៩ក្រាម (ថ្លឹងទាំងសំបក),ជញ្ជីងថ្លឹងថ្នា១គ្រឿង និងថង់ច្រកថ្នាំមួយចំនួន,ទូរស័ព្ទដៃ១គ្រឿង,ម៉ូតូម៉ាកស៊ូមើអិច ពណ៌ក្រហម១គ្រឿង។
បច្ចុប្បន្ន ជនសង្ស័យរួមនិងវត្ថុតាង ត្រូវបានកម្លាំងជំនាញកំពុងកំពុងកសាងសំណុំរឿង ដើម្បីចាត់ការតាមនីតិវិធី៕