បើកអេស្កាវ៉ាទ័រឡើងឡាន ភ្លាត់ស្នៀតធ្លាក់សង្គាត់លើ បណ្តាលឲ្យស្លាប់
ខេត្តកណ្តាល៖បុរសម្នាក់ បើកអេស្កាវ៉ាទ័រឡើងលើឡានដឹកអេស្កាវ៉ាទ័រ ខ្វះការប្រុងប្រយត្ន័ បណ្ដាលឲ្យក្រឡាប់អេស្កាវ៉ាទ័រសង្កត់ពីលើ បណ្តាលឲ្យស្លាប់អ្នកបើកបរនៅកន្លែងកើតហេតុ។
ករណីដែលគួរឲ្យរន្ធត់នេះបានកើតឡើងនាថ្ងៃទី២៤ ខែសីហា ឆ្នាំ២០១៩ នៅត្រង់ចំណុចក្បាលហុងប្រឡាយព្រែកបាក់ ស្ថិតក្នុងភូមិព្រែកបាក់ ឃុំព្រែកទន្លាប់ ស្រុកលើកដែក ខេត្តកណ្ដាល។
សមត្ថកិច្ចបានឲ្យដឹងថា៖ជនរងគ្រោះមានឈ្មោះ កុំ ណារ៉ូ ភេទប្រុស អាយុ២១ឆ្នាំ (ស្លាប់) មុខរបរបើកបរ មានទីលំនៅភូមិព្រែកតូច ឃុំព្រែកទន្លាប់ ស្រុកលើកដែក ខេត្តកណ្ដាល។
សមត្ថកិច្ចបន្តថា ម្ចាស់អេស្កាវ៉ាទ័រឈ្មោះ អ៊ុក ទឹង ភេទប្រុស អាយុ ៣០ឆ្នាំ មានទីលំនៅភូមិកំពង់ចម្លង ឃុំព្រែកទន្លាប់ ស្រុកលើកដែក។ក្រោយពីសមត្ថកិច្ចធ្វើកោសល្យវិច្ច័យរួច បានប្រគល់សពជូនក្រុមគ្រួសារយកទៅធ្វើបុណ្យតាមប្រពៃណី៕