ស្នងការដ្ឋាននគរបាល ខេត្តមណ្ឌលគិរី បើកកិច្ចប្រជុំត្រួតពិនិត្យការងារប្រចាំខែសីហា ឆ្នាំ២០១៩ និងលើកទិសដៅអនុវត្តការងារខែបន្ត
ខេត្តមណ្ឌលគិរី៖លោកឧត្ដមសេនីយ៍ទោ ឡោ សុខា ស្នងការដ្ឋាននគរបាលខេត្តមណ្ឌលគិរីបានអញ្ជើញ ជាអធិបតីក្នុងកិច្ចប្រជុំត្រួតពិនិត្យការងារប្រចាំខែសីហា ឆ្នាំ២០១៩ និងលើកទិសដៅអនុវត្តការងារខែបន្ត។
កិច្ចប្រជុំនេះប្រព្រឹត្តទៅនារសៀលថ្ងៃសុក្រ ៨រោច ខែស្រាពណ៍ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី២៣ ខែសីហា ឆ្នាំ២០១៩ វេលាម៉ោង១៤:០០នាទី នៅស្នងការដ្ឋាននគរបាលខេត្ត ដោយមានការអញ្ជើញចូលរួមពីសំណាក់ លោក លោកស្រី ជាស្នងការរង លោកអនុប្រធានផែន នាយ នាយរងការិយាល័យជំនាញ អធិការ អធិការរងនគរបាលក្រុង/ស្រុកទាំងប្រាំ មេបញ្ជាការ មេបញ្ជាការរងវរសេនាតូចនគរបាលការពារព្រំដែនគោកទាំងពីរ នាយប៉ុស្តិ៍នគរបាលរដ្ឋបាលទាំង២១ឃុំ/សង្កាត់ នាយប៉ុស្តិ៍នគរបាលច្រកទ្វារទ្វេភាគីទាំងបី និងនាយប៉ុស្តិ៍នគរបាលការពារព្រំដែនគោកទាំង១៤ សរុបចំនួន១០២នាក់។
តិបូកសរុប និងអនុសាសន៍ដឹកនាំចង្អុលបង្ហាញរបស់លោកឧត្តមសេនីយ៍ទោ ឡោ សុខា ស្នងការនគរបាលខេត្ត បានដាក់ផែនការអោយអស់លោក លោកស្រី ទទួលផែនជំនាញពាក់ព័ន្ធ លោកអធិការនគរបាលក្រុង/ស្រុកទាំងប្រាំ និងលោកនាយប៉ុស្តិ៍នគរបាលរដ្ឋបាលទាំង២១ឃុំ/សង្កាត់ ត្រូវបង្កើនការយកចិត្តទុកដាក់ខ្ពស់នូវការទប់ស្កាត់ និងបង្ក្រាបបទល្មើសគ្រប់ប្រភេទនៅក្នុងមូលដ្ឋានរបស់ខ្លួន ដោយពឹងផ្អែកទៅលើគោលនយោបាយ «ភូមិ ឃុំ មានសុវត្ថិភាព»ទាំងប្រាំបួនចំណុច, ជាពិសេសត្រូវត្រៀមកម្លាំងអន្តរាគមន៍រួចជាស្រេច ដើម្បីជួយសង្គ្រោះប្រជាពលរដ្ឋ ដែលរងគ្រោះដោយគ្រោះធម្មជាតិ និងរងគ្រោះផ្សេងៗ ៕
