ទីតាំងល្បែងស៊ីសងហ្គេមបាញ់ត្រី និងល្បែងស៊ីសងជាច្រើនប្រភេទទៀត មានចំនួន២កន្លែង កំពុងបើកលេងយ៉ាងរំភើយ
រាជធានីភ្នំពេញ៖ល្បែងហ្គេមបាញ់ត្រី និងល្បែងស៊ីសងធំៗជាច្រើនប្រភេទទៀតនៅផ្លូវឡើងទៅកោះពេជ្រចូលតាមមជ្ឈមណ្ឌល ជីនស៊ឺម៉ៅ ក្នុង សង្កាត់ទន្លេបាសាក់ ខណ្ឌ ចំការមន និងមួយកន្លែងទៀតគឺនៅក្នុងកោះពេជ្រ កំពុងបើកលេង ដោយមិនខ្លាចរអាសមត្ថកិច្ចទល់តែសោះបើមើលទៅពិតជាផ្គើនទៅ និងបទបញ្ចារបស់ ឯកឧត្តម ឃួង ស្រេង អភិបាលរាជធានីភ្នំពេញ និងឯកឧត្តម ស ថេត ស្នងការនគបាលរាជធានីភ្នំពេញដែលបានដាក់បញ្ចាឲ្យបង្ក្រាបបទល្មើងល្បែងស៊ីសង ដើម្បីរក្សាសន្តិសុខភូមិ ឃុំមានសុវត្តិភាព តែមន្រ្តីថ្នាក់ក្រោមដូចជាមិនខ្វល់។
ទៅតាំងល្បែងហ្គេមបាញ់ត្រីនេះខាងលើនេះកន្លងមកត្រូវបានបង្ក្រាបជាច្រើនលើកច្រើនសាហើយទាំងពីលោកអភិបាលព្រំ សំខាន់ ហើយពេលដែលលោក ថេង សុថុល អភិបាលខណ្ឌចំការមនមកកាន់តំណែងថ្មីៗ ក៏បានធ្វើការបង្ក្រាបដែល តែពេលនេះបានបើកវិញហើយ ដោយមិនថាមូលហេតុអ្វីទេឬមួយក៍អ្នកមានអំណាចណាម្នាក់ជួយសម្របសម្រួល?
គួបញ្ចាក់ថារាជរដ្ឋាភិបាលបានចេញសារាចរនៅថ្ងៃទី១៨ ខែ សីហា ឆ្នាំ២០១៩ ស្ដីពីការពង្រឹងការគ្រប់គ្រងអាជីវកម្មល្បែងភ្នាល់តាមម៉ាស៊ីនអេឡិចត្រូនិក និងតាមរយៈអ៊ីនធើណេតអនឡាញក្នុង និងក្រៅប្រទេស គ្រប់ប្រភេទ និងគ្រប់រូបភាព នៅក្នុងព្រះរាជាណាចក្រកម្ពុជា។ហើយសារាចរនេះក៍ត្រូវបានសម្តេចតជោ ហ៊ុន សែន ធ្វើការផុសនៅលើ ផេកផ្លូវការរបស់សម្តេចផងដែ។
គួរំលឹកផងដែលថាបើទោះជាមានការផ្លាស់ប្តូរលោក ព្រំ សំខាន់ អភិបាលខណ្ឌចំការមន មក លោក ថេង សុថុល ដើម្បីពង្រឹង និង ពិនិត្យមើលបទល្មើសនៅក្នុងមូលដ្ឋានយ៉ាងណាក៍មើលដូចដែលៗដោយកាន់តែមានច្រើនជាងមុនទៀត។
ចំនែកលោក យិន សាន អធិការខណ្ឌចំការមនបានប្រាប់ភ្នាក់ងាររបស់យើងតាមទូរស័ព្ទថាលោកបានពិភាគសារជាមួយលោកអភិបាលខណ្ឌរួចហើយដែលចំពោះទីដែលទាំងនេះ ហើយលោកបានឲ្យមេប៉ុស្តិ៍នៅតាមសង្កាត់ទាំងដើរស្រងមើលថា តើទីតាំងណាមានច្បាប់ ឬមិនមានច្បាប់ ហើយទីតាំងណាដែលនៅមានសុពលភាព ឬអស់សុពលភាព និងធ្វើការជូនដំណឹង ហើយបើទីតាំងណាមិនមានច្បាប់គឺលោកនិង សុំគោលការថ្នាក់លើធ្វើការបង្ក្រាបតែម្តង។
ចំណែកលោក ថេង សុថុល អភិបាលខណ្ឌចំការមនភ្នាក់ងារបស់យើងមិនធ្វើការទំនាក់ទំនងបានទេព្រោះមិនមានលេខទូរស័ព្ទ។
ជុំវិញនិងទីតាំងល្បែងទាំងនេះក៍មានការលើកឡើងដែលងថា តើលោកអភិបាល និងលោកអធិការហ៊ានបង្ក្រាបដែលទេ បើតាមការឲ្យដឹងថាអ្នកដែលនៅពីក្រោយទីតាំងទាំងសុទ្ធតែមានអំណាចជាងលោកអភិបាល និង លោកអធិការទៅទៀត? តែទាស់ជាយ៉ាងណាក៍ដោយសារាចររបស់រាជរដ្ឋាភិបាលបានចេញហើយដែល៕