ចាប់ឃាត់ខ្លួនជនសង្ស័យ២នាក់ ពាក់ព័ន្ធករណីគ្រឿងញៀន
រាជធានីភ្នំពេញ៖ជនសង្ស័យចំនួន២នាក់ ដែលជាប់ពាក់ព័ន្ធករណីគ្រឿងញៀន ត្រូវបានកកម្លាំងសមត្ថកិច្ចខណ្ឌមានជ័យ និងសម្របសម្រួលនិតិវិធីពីលោក សេង គឹមឡាក់ ព្រះរាជអាជ្ញារងអមសាលាដំបូងរាជធានីភ្នំពេញ ចាប់ឃាត់ខ្លួនកាលពីថ្ងៃទី២២ ខែសីហា ឆ្នាំ២០១៩ នៅចំណុចសំណង់មិន រៀបរយ (វាលខ្សាច់តាក់ហ្វាត ) ក្រុមទី៨ ស្ថិតនៅភូមិព្រែកតាគង់ សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ។
សមត្ថកិច្ចបានឲ្យដឹងថា៖ជនសង្ស័យមានឈ្មោះ ឡេះ ស្មាឯល ភេទប្រុស អាយុ៣៧ឆ្នាំ ជនជាតិខ្មែរ ឥស្លាម មុខរបរអ្នករកត្រី មានស្រុកកំណើត នៅសង្កាត់សាមគ្គី ទីរួមខេត្ត កណ្ដាល បច្ចុប្បន្នស្នាក់នៅ ភូមិព្រែកតាពៅ១ សង្កាត់ដើមមៀន ក្រុងតាខ្មៅ ខេត្តកណ្តាល និងឈ្មោះ ម៉ន ប្រុស ភេទប្រុស អាយុ២១ឆ្នាំ មានទីលំនៅក្នុងភូមិកើតហេតុខាងលើ។
វត្ថុតាងដែលដកហូតបានរួមមាន៖ក្រាមសថ្លា១កញ្ចប់ថង់តូច,ថង់សម្រាប់ច្រកថ្នាំញៀនមួយចំនួន,ឧបករណ៍ សម្រាប់ជក់ថ្នាំញៀនមួយចំនួន,ដែកកេស,បំពង់ទុយោ។
បច្ចុប្បន្នជនសង្ស័យទាំងពីរនាក់ ត្រូវបានសមត្ថកិច្ចខណ្ឌមានជ័យ ធ្វើការឃាត់ខ្លួនបណ្ដោះ អាសន្ននៅអធិការដ្ឋាននគរបាលខណ្ឌមានជ័យ ដើម្បីកសាងសំណុំរឿង បញ្ជូនទៅសាលាដំបូងរាជធានីភ្នំពេញ ចាត់ការតាមនីតិវិធី៕
