ឯកឧត្តម អភិបាលខេត្តកំពត ជួបជាមួយប្រជាពលរដ្ឋ៩២នាក់ តំណាងប្រជាពលរដ្ឋ១៨៦គ្រួសារ ដែលមកតវ៉ាបញ្ហាដីនៅឃុំត្រពាំងភ្លាំង
ខេត្តកំពត៖នាព្រឹក ថ្ងៃពុធ ទី២១ ខែសីហា ឆ្នាំ២០១៩ ត្រូវថ្ងៃទី៦រោច ខែស្រាពណ៍ ឆ្នាំកុរ ពស២៥៦៣ ឯកឧត្តម ជាវ តាយ អភិបាល នៃគណ:អភិបាលខេត្តកពត បានជួបជាមួយប្រជាពលរដ្ឋចំនួន៩២នាក់ តំណាងប្រជាពលរដ្ឋ១៨៦គ្រួសារ ដែលមកតវ៉ាបញ្ហាដីនៅភូមិព្រៃពាយ ឃុំត្រពាំងភ្លាំង ស្រុកឈូក។
ជាមួយគ្នានោះដែរពួកគាត់បានសំណូមពរដល់ឯកឧត្តម អភិបាលខេត្តដូចជា:
-ពន្លឿនការវាស់វែងដីជូនពួកគាត់ ឱ្យបានឆាប់រហ័ស
-ប្រគល់ត្រាក់ទ័រ ដែលរដ្ឋបាលព្រៃឈើបានចាប់ឃាត់ ឱ្យប្រជាពលរដ្ឋវិញ
-សុំធ្វើការដាំដំណាំលើដី ដែលខ្លួនមានកំពុងកាន់កាប់
-សុំដាក់កម្លាំងការពារសុវត្ថិភាពពួកគាត់។
ជាការឆ្លើយតប ឯកឧត្តមអភិបាលខេត្ត បានមានប្រសាសន៍ថា៖
-រដ្ឋបាលខេត្តនឹងរៀបចំក្រុមការងារថ្មីចុះវាស់វែងដីដែនៅសល់ ដឹកនាំដោយ ឯកឧត្តម ប៉ឹល កុសល
-សុំឱ្យរដ្ឋបាលព្រៃឈើ ប្រគល់គ្រឿងចក្រជូនបងប្អូនប្រជាពលរដ្ឋវិញ
-សុំជឿជាក់លើរដ្ឋបាលខេត្ត យើងចុះពិនិត្យជាក់ស្តែង សុំចូលរួមទាំងអស់គ្នា
-អ្វីដែលបំពានច្បាប់សុំបងប្អូនកុំធ្វើ សូមចូលរួមគោរពច្បាប់ទាំងអស់គ្នា ដើម្បីយើងទទួលបានជោគជ័យ៕
