បើកម៉ូតូបត់ខ្វះកាប្រុងប្រយត្ន័ ម៉ូតូពីគ្រឿងទាក់ដៃចង្គូតគ្នា ខ្ទាតចូលរថយន្ត បណ្តាលឲ្យស្លាប់ និងរបួសធ្ងន់ម្នាក់
ខេត្តបន្ទាយមានជ័យ៖ឧបទ្ទវហេតុគ្រោះថ្នាក់ចរាចរណ៍ រវាងម៉ូតូពីគ្រឿងទាក់ដៃចង្គូតគ្នា ខ្ទាតចូលក្នុងរថយន្តបណ្តាលឲ្យស្លាប់បុរសវ័យចំណាស់ម្នានៅនឹងកន្លែង និងម្នាក់ទៀរងរបួសធ្ងន់។
ករណីនេះបានកើតឡើងកាលពីវេលាម៉ោង៦ទាបភ្លឺ ថ្ងៃទី២០ ខែសីហា ឆ្នាំ២០១៩ នៅលើកំណាត់ផ្លូវជាតិលេខ៦ ត្រង់ចំណុចផ្លូវបំបែកចូលទៅឃុំបុស្បូវ ស្រុកព្រះនេត្រព្រះ ស្ថិតនៅក្នុងភូមិសាលាក្រៅ សង្កាត់ភ្នៀត ក្រុងសិរីសោ័ណ ខេត្តបន្ទាយមានជ័យ។
លោកវរសេនីយ៍ទោ សួន នីប៉ូ នាយរងការិយាល័យ នគរបាលចរាចរណ៍ខេត្ត បានឲ្យដឹងថា ជនរងគ្រោះរងរបួសធ្ងន់មានឈ្មោះ សុង បេឡា ភេទប្រុស អាយុ២៨ឆ្នាំ រស់នៅភូមិបាណយ សង្កាត់ទឹកថ្លា ក្រុងសិរីសោភ័ណ ជាបុគ្គលិកអង្គការប្រាសាក់។
ចំណែកអ្នកស្លាប់មានឈ្មោះតាន់ ឌឿន ភេទប្រុស អាយុ៧៦ឆ្នាំ រស់នៅភូមិសូភី កំពុងស្វាយ ក្រុងសិរីសោភ័ណ ខេត្តបន្ទាយមានជ័យ។
លោកវរសេនីយ៍ទោ សួន នីប៉ូ បានបញ្ជាក់ទៀតថា នៅមុនពេលកើតហេតុជនរងគ្រោះឈ្មោះ តាន់ ឌឿន បានបើកម៉ូតូម៉ាកឆាលីចេញពីផ្ទះក្នុងទិសដៅពីលិចទៅកើត ពេលបើកដល់ចំណុច កើតហេតុផ្លូវបំបែកគាត់ បានបត់ឆ្វេងទៅឃុំបុស្បូវ ទៅមើលចម្ការមិនបានមើលក្រោយស្របពេលនោះ មានម៉ូតូម៉ាកហុងដាឌ្រីម ពណ៌ខ្មៅ ដែលបើកដោយឈ្មោះសុង បេឡា បើកស្របទិសគ្នាពីក្រោយ លុះមកដល់ចំណុកកើតហេតុក៏បើកឡើងវ៉ា បានទាក់និងដៃចង្កូតម៉ូតូជនរងគ្រោះ បណ្តាលឲ្យដួលខ្ទាតទៅលើទ្រូងថ្នល់
ស្របពេលនោះមានរថយន្ត១គ្រឿងមិនស្គាល់ម៉ាក បើកទិសដៅពីកើតទៅលិចបើកមកកិនពីលើចំពាក់កណ្តាលខ្លួន ស្លាប់ភ្លាមៗក្នុងថ្លុកឈាម ចំណែករថយន្តបើករត់គេចខ្លួនបាត់ស្រមោល សមត្ថកិច្ចកំពុងស្រាវជ្រាវ ។
ចំណែកឈ្មោះតាន់ បេឡាដួលទៅលើចិញ្ចើមថ្នល់រងរបួសធ្ងន់បាក់ឆ្អឹងស្លាបប្រចៀវ ត្រូវបានសមត្ថកិច្ចជួយដឹកបញ្ជូនទៅកាន់មន្ទីរពេទ្យបង្អែកខេត្ត មិត្តភាពកម្ពុជា ជប៉ុន នៅស្រុកមង្គលបូរី ដើម្បីសង្គ្រោះបន្ទាន់។
ចំពោះវត្ថុតាងម៉ូតូទាំង២គ្រឿងខូចខាតស្រាល សមត្ថកិច្ចបានយកមករក្សាទុក នៅការិយាល័យ នគរបាលចរាចរណ៍ រងចាំធ្វើការដោះស្រាយនៅពេលក្រោយ៕
