បុរសម្នាក់ ធ្វើអត្តឃាត បញ្ចប់ជីវិតខ្លួនឯង ព្រោះតែមានវិបត្តិផ្លូវចិត្ត បែកបាក់ប្រពន្ធ
ខេត្តបាត់ដំបង៖ដោយសារតែមានវិបត្តិផ្លូវចិត្ត រឿងបែកបាក់ប្រពន្ធ បានធ្វើឲ្យបុរសម្នាក់ធ្វើអត្តឃាតបញ្ចប់ជីវិតខ្លួនឯង ដោយយកខ្សែរលីឡុងពណ៌ក្រហមចងក ទៅនិងមែកដើមថ្កូវ។
ករណីដែលបង្កឲ្យមានការភ្ញាក់ផ្អើលខាងលើនេះ បានកើតឡើងកាលពីវេលាម៉ោង១៨ និង៤០នាទី ថ្ងៃ១៨ ខែសីហា ឆ្នាំ២០១៩ នៅចំណុចក្រុមទី០៩ ស្ថិតនៅក្នុងភូមិដង្កោ ឃុំល្វា ស្រុកបវេល ខេត្តបាត់ដំបង។
សមត្ថកិច្ចបានឲ្យដឹងថា៖ជនរងគ្រោះមានឈ្មោះ ថា សុខឿន ភេទប្រុស អាយុ៣៦ឆ្នាំ រស់នៅភូមិ ឃុំកើតហេតុខាងលើ។
សមត្ថកិច្ចបន្តថា៖បន្ទាប់ពីទទួលព័ត៌មានថា មានករណីធ្វើអត្តឃាត ជំនាញផ្នែកវិជ្ជសាស្ត្រក៏បានចុះធ្វើកោសល្យវិច្ច័យ ឃើញថា នៅលើដងខ្លួនជនរងគ្រោះមិនមានស្លាកស្នាមអ្វីទេមានតែស្នាមនៅនិងក ហើយនិងមានទឹកកាមហូរតាមប្រដាប់ភេទទៀតផង សមត្ថកិច្ចសនិដ្ឋានថាពិតជាចងក សម្លាប់ខ្លួនឯងប្រាកដមែន។
សមត្ថកិច្ចបញ្ជាក់ថាមូលហេតុដែលបណ្តាលឲ្យ ជនរងគ្រោះសម្លាប់ខ្លួនឯងដោយចងកសម្លាប់ខ្លួនឯងនោះព្រោះតែមានវិបត្តិផ្លូវចិត្តបែកបាក់ប្រពន្ធ ពេលសុំជាគ្នាវិញប្រពន្ធមិនព្រមយក ហើយជនរងគ្រោះក៏សម្រេចចិត្តបញ្ចប់ជីវិតខ្លួនឯងតែម្តងទៅ។
បច្ចុប្បន្នសាកសពជនរងគ្រោះខាងលើកម្លាំងជំនាញបានប្រគល់ទៅអោយក្រុមគ្រួសារយកធ្វើបុណ្យតាមប្រពៃណី៕