ចាប់បញ្ជូន ជនសង្ស័យចំនួន៩នាក់ ទៅកាន់តុលាការ ពាក់ព័ន្ធបទល្មើស៣ករណីផ្សេងគ្នា
រាជធានីភ្នំពេញ៖កម្លាំងអធិការដ្ឋាននគរបាលខណ្ឌសែនសុខ ចាប់បញ្ជូនជនសង្ស័យចំនួន៩នាក់ទៅកាន់តុលាការ នៅថ្ងៃទី១៦ ខែសីហា ឆ្នាំ២០១៩ ពាក់ព័ន្ធបទល្មើស៣ករណីផ្សេងគ្នា។
សមត្ថកិច្ចបញ្ចាក់ថា៖ជនសង្ស័យខាងលើបានប្រព្រឹត្តបទល្មើស៣ករណីរួមមាន៖
ករណីទី១៖ជួញដូរសារធាតុញៀនដោយខុសច្បាប់។
ករណីទី២៖រក្សាទុកសារធាតុញៀនដោយខុសច្បាប់។
ករណីទី៣៖ប្រើប្រាស់ដោយខុសច្បាប់នូវសារធាតុញៀន ។
ជនសង្ស័យទាំង៩នាក់ខាងលើនេះត្រូវបានសមត្ថកិច្ចនគរបាលខណ្ឌសែនសុខធ្វើការបង្ក្រាបបាន ក្នុងមូលដ្ឋានកន្លងមក ហើយត្រូវបានបញ្ចាប់នីតិវិធីសាកសួរ និងកសាងសំណុំរឿងរួចរាល់។ក្រោយពីសាកសួរជនសង្ស័យទាំង៩នាក់បានសារភាពថា ពួកគេពិតជាជាប់ពាក់ព័ន្ធករណីខាងលើនេះពិតប្រាកដមែន ទើបសមត្ថកិច្ចបានប្រមូលវត្ថុតាង និងកសាងសុំណុំរឿងបញ្ជូនទៅតុលាការ ដើម្បីចាត់ការតាមច្បាប់តែម្តង។
ទន្ទឹមនេះលោក វរៈ សេនីយ៍ឯកហួរ ម៉េងវ៉ាង អធិការនគបាលខណ្ឌសែនសុខ បានសំណូមពរដល់បងប្អូនប្រជាពលរដ្ឋក្នុងមូលដ្ឋានខណ្ឌសែនសុខទាំងអស់ សូមមេត្តាជួយសហការណ៍ និងផ្តល់ព័ត៌មានមកកម្លាំងសមត្ថកិច្ច ប្រសិនបើបងប្អូនដឹងថាមានក្មេងទំនើងប្រមូលផ្តុំគ្នាប្រើប្រាស់ ឬចែកចាយនូវសាធាតុញៀន និងបទល្មើសផ្សេងៗ៕
