ក្រុមមាន់ជល់ដំបង និងដាវសាំរ៉ៃ កំពុងតែចាក់មាន់ជល់ចាញ់ផង អ្នកកាសែតមកថត រញ៉េរញ៉ៃដេញវាយផ្អើលភូមិ
ខេត្តត្បូងឃ្មុំ៖ខេត្តត្បូងឃ្មុំគឺជាខេត្តមួយដែលសម្បូរទៅដោយសង្វៀនមាន់ ចាប់ដុតមិនចេះអស់ ថ្មីៗនេះ ឯកឧត្តមស្នងការ ប៉ែនរ័ត្ន បានបញ្ជា សមត្ថកិច្ចថ្នាក់ក្រោមដើម្បីធ្វើបង្ក្រាប និងដុតសង្វៀនមាន់ចោលជាបន្តបន្ទាប់ ក៏ប៉ុន្តែដុតមិនចេះអស់ ហើយពេលនេះមានក្រុមអ្នកសារព័ត៌មានចំនួន៥នាក់ មកពីអង្គភាពicd tv online ត្រូវក្រុមញៀនល្បែងបានប្រើអំពើហិង្សាវ៉ៃរថយន្ត និងវ៉ៃមនុស្សម្នាក់ បែកមុខបែកមាត់នៅពេលដែលកំពុងចុះផ្ដិតយករូបភាពនៅសៃវៀនមាន់ បង្កឱ្យមានការភ្ញាក់ផ្អើល ពេញភូមិគឺ ស្ថិតនៅភូមិស្រឡប់ ឃុំស្រឡប់ ស្រុកត្បូងឃ្មុំ ខេត្តត្បូងឃ្មុំ នៅថ្ងៃទី១៣ ខែសីហាឆ្នាំ២០១៩នៅវេលាម៉ោង១២ និង១៥នាទី។
ពាក់ព័ន្ធក្រុមញៀនល្បែងប្រើអំពើហិង្សាមកលើអ្នកសារព័ត៌មាន៥នាក់ ឥឡូវអ្នកសារព័ត៌មានបានមកដាក់ពាក្យបណ្ដឹងនៅប៉ុស្តិ៍រដ្ឋបាលឃុំស្រឡប់ ដើម្បីដោះស្រាយតាមនិតិវិធីច្បាប់។
ហើយក្រុមអ្នកសារព័ត៌មានចំនួន៥នាក់នៅអង្គភាព icd tv online បានសំណូមពរដល់ឯកឧត្តមស្នងការ សូមមេត្តាមានវិធានការទៅលើជនបង្កហិង្សាមកលើអ្នកសារពត៍មាន មកចូលខ្លួនដោះស្រាយ ទទួលទោសតាមច្បាប់អោយខានតែបាន៕