បាត់ខ្លួន៤ថ្ងៃ ប្រទះឃើញចងក សម្លាប់ខ្លួន នៅលើដើមឈើកំពស់៤មែត្រ
រាជធានីភ្នំពេញ៖នាវេលាម៉ោង៨នឹង៣៥នាទីព្រឹក ថ្ងៃទី១៣ ខែសីហា ឆ្នាំ២០១៩ មានការភ្ញាក់ផ្អើលមួយបានកើតឡើង ដោយពលរដ្ឋប្រទះឃើញបុរសម្នាក់ចងក សម្លាប់ខ្លួនឯងនៅលើដើមឈើកំពស់៤មែត្រ ដោយមិនដឹងមូលហេតុ នៅចំណុចដីឡូត៍មួយកន្លែង ស្ថិតក្នុងភូមិកោះនរាណ៍ សង្តាត់ និរោធ ខណ្ឌច្បារអំពៅ រាជធានីភ្នំពេញ។
សពជនរងគ្រោះមានឈ្មោះអឹម ចាន់ ប្រសេត អាយុ៣០ឆ្នាំ សញ្ជាតិខ្មែរ មានស្រុកកំណើតភូមិឃុំខាងលើ មានបងប្អូនចំនួន៥នាក់ ប្រុស៣នាក់ ស្រី២នាក់សាកសពជាកូនទី៣។
ប្រភពពីក្រុមគ្រួសារសពបានឲ្យដឹងថា សាកសពបានចេញពីផ្ទះបាត់ចំនួន៤ ទៅ៥ថ្ងៃហើយ ក្រុមគ្រួសារក៏បានសព្វផ្សាយតាមបណ្ដាញសង្គមហ្វេសប៊ុក នឹងដើររកគ្រប់ទិសទីមិនឃើញសោះ ស្រាប់តែនៅវេលាខាងលើក៏មានបងប្អូនប្រជាពលរដ្ឋ បានដើរទៅចំកាក៏ប្រទះឃើញសាកសពបុរសម្នាក់ចងក នៅនឹងដើមឈើកំពស់៤មែត្រ សភាពនៃសពហើម នឹងធំក្លិនស្អុយ ភ្លាមនោះបងប្អូនប្រជាពលរដ្ឋក៏បានរាយការណ៍ទៅសម្ថតកិច្ចមូលដ្ឋានឲ្យចុះមកមើល។
ក្រោយពេលសមត្ថកិច្ចមូលដ្ឋានសហការជាមួយផ្នែកជំនាញពិនិត្យលើសាកសព ជាលទ្ធផលឃើញថា បុរសខាងលើពិតជាចងក សម្លាប់ខ្លួនឯងពិតប្រាកដមែន រួចហើយសមត្ថកិច្ចក៏បានប្រគល់សពជូនទៅក្រុមគ្រួសារយកទៅធ្វើបុណ្យតាមប្រពៃណី៕
