ជនបរទេសម្នាក់បានស្លាប់ នៅក្នុងបន្ទប់លេខ៣០៩ ជាន់ទី៣ នៅសណ្ឋាគារកាស៊ីណូឡាក់គី ក្រុងប៉ោយប៉ែត សង្ស័យជំងឺលើសឈាម និងជំងឺបេះដូង
ខេត្តបន្ទាយមានជ័យ៖កាលពីវេលាម៉ោង១យប់ ថ្ងៃសៅរ៍ ១០កើត ខែស្រាពណ៍ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី១០ ខែសីហា ឆ្នាំ២០១៩ មានការភ្ញាក់ផ្អើលមួយបានកើតឡើង ដោយជនបរទេសម្នាក់បានដេកស្លាប់នៅក្នុងបន្ទប់លេខ៣០៩ ជាន់ទី៣ សណ្ឋាគារ កាស៊ីណូ ឡាក់គី៣៦៩ ស្ថិតនៅក្នុងភូមិប៉ោយប៉ែត សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ សង្ស័យជំងឺលើសឈាម និងជំងឺបេះដូង។
សាកសពមានឈ្មោះ យែនចៃ ថានណាឆុត ហៅ ភីអេក ភេទប្រុស អាយុ៤៨ឆ្នាំ រស់នៅខេត្តប្រាជៀបឃីរីខាន កាន់លិខិតឆ្លងដែនលេខz123939ចុះថ្ងៃទី ១៥កុម្ភះ២០១២ មុខរបរលេងល្បែង ដែល បានមកជួលនៅក្នុងបន្ទប់៣០៩ ជាន់ទី៣ នៃសណ្ឋាគារកាស៊ីណូ ឡាក់គី ស្នាក់នៅប្រចាំខែ ជាមួយ ឈ្មោះ ហែម ធារ៉ា អាយុ៣៥ឆ្នាំភេទស្រី ជនជាតិខ្មែរជាប្រពន្ធ។
តាមការបំភ្លឺពីឈ្មោះហែម ធារ៉ា ជាប្រពន្ឋបានបញ្ជាក់ថា ជនរងគ្រោះមានជំងឺលើសឈាមប្រចាំកាយ រយះកាលកន្លងរៀងរាល់ខែ តែងទៅពេទ្យពិនិត្យសុខភាព និងទិញថ្នាំមកលេបជាប្រចាំថ្ងៃ លុះនៅវេលាម៉ោងប្រហែលជាង១២ជនរងគ្រោះបានឡើងទៅសំរាកមុន ចំណែកឯគាត់នៅលេងល្បែងបន្តរហូតដល់ម៉ោងជាង២យប់ ក៏ឡើងទៅសំរាកដែរ ពេលឡើងទៅក៏ឃើញជនរងគ្រោះដេកស្លាប់បាត់ទៅហើយ បន្ទាប់មកក៏រាយការណ៍ទៅផ្នែកកាស៊ីណូតែម្តង។
បន្ទាប់មកជំនាញបានចុះធ្វើកោសលវិច្ច័យឃើញថា
១-សាកសពមានស្ថានភាពស្លេគស្លាំង
២-ផ្នែកក្បាល ស្ថានភាពល្អ គ្មានអ្វីគួរកត់សំគាល់
៣-ផ្នែកដងខ្លួន ល្អ គ្មានស្លាគស្នាម
៤-ផ្នែកដៃឆ្វេងគងលើទ្រូង ដៃស្តាំគងលើពោះ
៥-ផ្នែកជើងល្អគ្មានស្លាគស្នាម
៦-ប្រដាប់ភេទមានទឹកកាមដិតជាប់ និងមានទឹកនោម
៧-នៅលើតុមាន ថ្នាំពេទ្យសំរាប់ព្យាបាលជំងឺលើសឈាម ជំងឹបេះដូង និងឧបករណ៍វាស់ស្ទង់
សំពាធឈាម ។
ក្រោយពីពិនិត្យនិងធ្វើកោសលវិច្ច័យពីសណាក់គណៈកម្មការ និងគ្រូពេទ្យជំនាញជាលទ្ធផលឃើញថាជនរងគ្រោះបានមរណភាពដោយសារជំងឺលើសឈាម និង ជំងឺបេះដូង។
បន្ទាប់មកស្នើរសុំគោលការណ៍យកសាកសពទៅរក្សាទុកនៅវត្ត ដើម្បីប្រគល់ជូនក្រុមគ្រួសារសាច់ញាតិយកទៅធ្វើបុណ្យតាមប្រពៃណី៕
