បើករថយន្តខ្វះការប្រុងប្រយត្ន័ ទៅបុកអ្នកដើរឆ្លងផ្លូវម្នាក់ បណ្ដាលឲ្យរងរបួសបាក់ជើង យ៉ាងធ្ងន់ធ្ងរ បញ្ជូនទៅសង្គ្រោះនៅឯមន្ទីពេទ្យ
រាជធានីភ្នំពេញ៖បុរសម្នាក់ ត្រូវរថយន្តបុកបណ្ដាលឲ្យរងរបួសធ្ងន់ធ្ងរបញ្ជូនទៅសង្គ្រោះនៅឯមន្ទីពេទ្យ ខណៈកំពុងដើរឆ្លងផ្លូវ។ករណីនេះបានកើតឡើងកាលពីវេលាម៉ោង០៥ និង៥០នាទីព្រឹក ថ្ងៃទី០៩ ខែកក្កដា ឆ្នាំ២០១៩ នៅតាមបណ្តោយផ្លូវលេខ៣៣៦ ចំណុចមុខហាងនំបុ័ងបឹងសាឡាង ស្ថិតនៅក្នុងសង្កាត់បឹងសាឡាង ខណ្ឌទួលគោក រាជធានីភ្នំពេញ។
តាមសាក្សីឃើញហេតុការណ៍បានប្រាប់ឲ្យដឹងថា៖នៅមុនពេលកើតហេតុ បុរសមិនស្គាល់អត្តសញ្ញាណម្នាក់ បានដើរឆ្លងផ្លូវពីម្ខាងទៅម្ខាងទៀត ក្នុងទិសដៅពីត្បូងទៅជើង ខណៈពេលកំពុងដើរឆ្លងផ្លូលនោះ ក៏ស្រាប់តែមានរថយន្តម៉ាកTOYOTA PRUSSIA មួយគ្រឿង ពណ៌ស ពាក់ស្លាកលេខ2AY-0138បើកបរដោយយុវជនវ័យក្មេងម្នាក់ ក្នុងទិសដៅពីលិចទៅកើតតាមបណ្តោយ៣៣៦ធ្វើដំណើរក្នុងលឿនលឿនគួសមដែរ មកបុកជនរងគ្រោះដួលរួចកិនត្រូវជើងខាងឆ្វេងបាក់កជើងចេញឆ្អឹងមកក្រៅរងរបួសធ្ងន់ ហើយភ្លាមនោះរថយន្តបង្ករ និងអ្នកបើកបរត្រូវបានប្រជាពលរដ្ឋជួយឃាត់បានភ្លាមៗ រួចរាយការណ៍ប្រាប់សមត្ថកិច្ចនគរបាលមូលដ្ឋាន មកពិនិត្យកន្លែងកើតហេតុតែម្តង។
ក្រោយពេលកើតហេតុសមត្ថកិច្ចបានទាក់ទងហៅរថយន្តសាម៉ុយគ្លីនិចឯកជន ដឹកយកទៅសង្គ្រោះនៅមន្ទីពេទ្យកាល់ម៉ែត្រភ្លាមៗតែម្តង។ចំណែកករថយន្តបង្ករត្រូវបានសមត្ថកិច្ចទាក់ទង រាយកាណ៍ទៅសមត្ថកិច្ចជំនាញចុះមកធ្វើការវាស់វែងយករថយន្តទៅរក្សារទុក នៅអធិការដ្ឋាននគរបាលខណ្ឌទួលគោករងចាំដោះស្រាយនៅពេលក្រោយ៕
