ចាប់ឃាត់ជនជាតិកូរ៉េខាងត្បូង០២នាក់ នៅព្រលានយន្តហោះអន្តរជាតិ ខេត្តសៀមរាប ពាក់ពន្ឋ័ករណីចរាចរណ៍លុយ ឆ្លងដែនខុសច្បាប់ជាង២លានដុល្លារ
ខេត្តសៀមរាប៖ជនជាតិកូរ៉េខាងត្បូង០២នាក់ ដែលនាំលុយដុល្លាឆ្លងដែន តាមជើងហោះហើរលេខ UO-706 (HKG-REP) មកពីទីក្រុងហុងកុង ប្រទេសចិន ចូលមកប្រទេសកម្ពុជា ត្រូវបានកម្លាំងប៉ុស្តិ៍ សហការជាមួយកម្លាំងការិយាលយ័គយ និងរដ្ឋករប្រចាំអាកាសយានដ្ឋានអន្តរជាតិសៀមរាប ឃាត់ខ្លួនកាលពីថ្ងៃទី០៧ ខែកក្កដា ឆ្នាំ២០១៩។នេះបើយោងតាមរបាយការណ៍របស់សមត្ថកិច្ច។
សមត្ថកិច្ចបញ្ជាក់ថា៖ជនជាតិកូរ៉េខាងត្បូងទាំង០២នាក់ ត្រូវបានចាប់ឃាត់ខ្លួននោះមានៈ
1-YOON WONGI, M, DOB: 07/10/1986, PN: M54310302
2-SONG HYUNHOO, M, DOB: 24/09/1975, PN: M41060548
សមត្ថកិច្ចបញ្ជាក់ទៀតថា៖បុរសបរទេសទាំង០២នាក់នេះ បាននាំចូលប្រាក់ដុល្លារខុសច្បាប់ចំនួន ២,២០០,០០០$ នាំយកមកពីទីក្រុងហុងកុង ប្រទេសចិន ដោយមានក្រដាស់ប្រាក់១០០$ចំនួន ២១,៩០០សន្លឹក,ក្រដាស់ប្រាក់៥០$ ចំនួន២០០សន្លឹក។
យោងតាមការបញ្ជាក់របស់នាយឧត្តមសេនីយ៍ អគ្គនាយកអន្តោប្រវេសន៍ ជនជាតិកូរ៉េទាំង០២នាក់ខាងលើ ត្រូវបានប្រគល់ជូនក្រុមប្រតិបត្តិការទី១ (សៀមរាប) នាយកដ្ឋានស៊ើបអង្កេត និងអនុវត្តនីតិវិធី។
ចំណែកឯប្រាក់ដុល្លារចំនួន ចំនួន២,២០០,០០០$ រក្សាទុកបណ្តោះអាសន្ននៅការិយាល័យគយ និងរដ្ឋាករប្រចាំការក្នុងអាកាសយានដ្ឋានអន្តរជាតិសៀមរាប ដើម្បីបន្តនីតិវិធី៕
