ការប្រកួតកីឡាទូកកានូ នឹងរ៉ូវីងកម្ពុជា នាពេលខាងមុខនេះ ខេត្តស្វាយរៀង នឹងធ្វើជាម្ចាស់ផ្ទះ
ខេត្តស្វាយរៀង៖ការៀបចំការប្រកួតកីឡាទូកប្រពៃណីខ្នាតអន្តរជាតិ"ទូកនាគ" ជ្រើសរើសជើងឯកពានរង្វាន់សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ដែលនឹងប្រព្រឹត្តទៅនៅថ្ងៃទី២៧-២៨ ខែកក្កដា ឆ្នាំ២០១៩ខាងមុខនេះ នៅទន្លេវ៉ៃគោ ក្រុងស្វាយរៀង ដែលខេត្តស្វាយរៀង ធ្វើជាម្ចាស់ផ្ទះក្នុងការប្រកួត។
ឯកឧត្តម ម៉ែន វិបុល អភិបាល នៃគណៈអភិបាលខេត្តស្វាយរៀង មានប្រសាសន៍បែបនេះក្នុងឱកាសដែលឯកឧត្តម អញ្ជើញចូលរួមប្រជុំពិភាក្សាការងារ ជាមួយប្រតិភូសហព័ន្ធកីឡាទូកកានូ នឹងរ៉ូវីងកម្ពុជា ដឹកនាំដោយឯកឧត្តមបណ្ឌិត មាស សារិន អនុប្រធានអចិន្ត្រៃយ៍សហព័ន្ធ នារសៀលថ្ងៃចន្ទ ០៧កើត ខែអាសាឍ ឆ្នាំកុរ ឯកស័ក ព.ស២៥៦៣ ត្រូវនឹងថ្ងៃទី០៨ ខែកក្កដាឆ្នាំ២០១៩ ដោយមានការអញ្ជើញចូលរួមពីឯកឧត្តម អភិបាលរងខេត្ត លោកអភិបាលក្រុង លោកប្រធានមន្ទីរ-អង្គភាពពាក់ព័ន្ធនានាផងដែរ។
មានប្រសាសន៍នៅក្នុងឱកាសនោះឯកឧត្តមអភិបាលខេត្ត បញ្ជាក់ថា៖រដ្ឋបាលខេត្តស្វាយរៀង នឹងចូលរួមសហការទៅលើកិច្ចការងារផ្សេងៗដូចជា សន្តិសុខ សណ្តាប់ធ្នាប់ អនាម័យបរិស្ថាន និងការងារសំខាន់ៗមួយចំនួនទៀត ដើម្បីឲ្យការរៀបចំនេះប្រព្រឹត្តិទៅដោយរលូន បង្ករភាពសប្បាយរីករាយជូនដល់បងប្អូនប្រជាពលរដ្ឋ នឹងទទួលបានលទ្ធផលល្អប្រសើរ។
ទទឹមនោះឯកឧត្តមបានសម្តែងនូវការអរគុណ នឹងស្វាគមន៍យ៉ាងកក់ក្តៅចំពោះប្រតិភូសហព័ន្ធកីឡាទូកកានូ នឹងរ៉ូវីងកម្ពុជា ដែលបានជ្រើសរើសយកទីតាំងទន្លេវ៉ៃគោ ក្រុងស្វាយរៀង ខេត្តស្វាយរៀង ធ្វើជាម្ចាស់ផ្ទះក្នុងការប្រកួត៕
.jpg)
