រាជអាវុធហត្ថ ខេត្តគំពង់ស្ពឺ បើកប្រជុំត្រួតពិនិត្យ ការអនុវត្តតួនាទីភារកិច្ច និងការងារកងរាជអាវុធហត្ថ ឆមាសទី១ ទិសដៅ ឆមាសទី២ ឆ្នាំ២០១៩
ខេត្តកំពង់ស្ពឺ:នារសៀលថ្ងៃទី០៨ ខែកក្កដា ឆ្នាំ ២០១៩ លោកឧត្តមសេនីយ៍ត្រី ជូ សារុន មេបញ្ជាការ កងរាជអាវុធហត្ថខេត្តកំពង់ស្ពឺ បានដឹកនាំកិច្ចប្រជុំត្រួតពិនិត្យ ការអនុវត្តតួនាទីភារកិច្ច និងការងារកងរាជអាវុធហត្ថ ឆមាសទី១ ទិសដៅ ឆមាសទី២ ឆ្នាំ២០១៩ នៅទីបញ្ជាការដ្ឋានកងរាជអាវុធហត្ថ ខេត្តកំពង់ស្ពឺ ដោយមានការចូលរួមពីមេបញ្ជាការរង សេនាធិការដ្ឋាន ប្រធានមន្ទីរ នាយការិយាល័យ នាយទាហាន នាយទាហានរង ចំណុះបញ្ជាការដ្ឋានទាំងអស់ ។
ក្នុងកិច្ចប្រជុំនោះដែរមានការៀបចំដាក់បញ្ចាំងស្លាយនូវសកម្មភាពការងាររយៈពេល៦ខែ កន្លងមកផងដែរ។បន្ទាប់ពីនេះមេបញ្ជាការ បានអនុញ្ញាតិឲ្យបទអន្តរាគមន៍ពីសំណាក់មេបញ្ជាការរងទទួលជំនាញ ប្រធានមន្ទីរ មេបញ្ជាការក្រុង/ស្រុក និងបទអន្តរាគមនតាមផ្នែកជំនាញនីមួយៗផងដែរ៕
