ឯកឧត្តម នាយឧត្តមសេនីយ៍ គន់ គីម បន្តបំពាក់មេដាយមាស ដល់អាជ្ញាធរ អ្នកស្ម័គ្រចិត្ត និងវិស័យឯកជន នៅខេត្តព្រះសីហនុ
ខេត្តព្រះសីហនុ៖ឯកឧត្តម នាយឧត្តមសេនីយ៍គន់ គីម ទេសរដ្ឋមន្ត្រីទទួលបន្ទុកបេសកកម្មពិសេស ជាអនុប្រធានទី១ នៃគណៈកម្មាធិការជាតិគ្រប់គ្រងគ្រោះមហន្តរាយ និងឯកឧត្តម គួច ចំរើន អភិបាល នៃគណៈអភិបាលខេត្តព្រះសីហនុ នាព្រឹកថ្ងៃចន្ទ័ ៧កើត ខែអាសាឍ ឆ្នាំកុរ ឯកស័កព.ស ២៥៦៣ ត្រូវនឹងថ្ងៃទី៨ ខែកក្កដា ឆ្នាំ២០១៩ បានអញ្ជើញសំណេះសំណាលជាមួយអាជ្ញាធរ អ្នកស្ម័គ្រចិត្ត និងវិស័យឯកជនផ្សេងៗ ដែលបានចូលរួមជួយសង្គ្រោះ ក្នុងការដួលរលំបាក់អគារ ៧ជាន់
នៅភូមិ៣ សង្កាត់លេខ៤ ក្រុងព្រះសីហនុ ខេត្តព្រះសីហនុ។
ក្នុងឱកាសនោះឯកឧត្តម នាយឧត្តមសេនីយ៍ គន់ គីម ទេសរដ្ឋមន្ត្រីទទួលបន្ទុក បេសកកម្មពិសេស ជាអនុប្រធានទី១ នៃគណៈកម្មាធិការជាតិគ្រប់គ្រងគ្រោះ មហន្តរាយ បានមានប្រសាសន៍សំណេះសំណាលជាមួយ មន្ត្រីអាជ្ញាធរ អ្នកស្ម័គ្រចិត្ត វិស័យឯកជន និងកងកម្លាំងគ្រប់ប្រភេទ ដែលបានចូលរួមជួយសង្គ្រោះជនរងគ្រោះក្នុងករណីឧបទ្ទវហេតុ នៃការបាក់អគារកម្ពស់ ៧ជាន់ ដែលមានទីតាំងដីឡូ នៅតាមបណ្តោយផ្លូវ ៧មករា ស្ថិតក្នុងភូមិ៣ សង្កាត់លេខ៤ ក្រុង ខេត្តព្រះសីហនុ កាលពីថ្ងៃទី២២ ខែមិថុនា ឆ្នាំ២០១៩ កន្លងមកថ្មីៗនេះ ។
ជាងនេះឯកឧត្តម នាយឧត្តមសេនីយ៍ គន់ គីម បានបញ្ជាក់ថា នេះគឺជាការឆ្លើយតប ទៅនឹងការខិតខំប្រឹងប្រែងប្រតិបត្តិការជួយសង្គ្រោះ របស់កងកម្លាំងរបស់យើង អាជ្ញាធរដែនដី អ្នកស្ម័គ្រចិត្ត និងវិស័យឯកជន ដែលបានចូលរួមយ៉ាងសកម្ម ក្នុងការជួយសង្គ្រោះ រុករកជនរងគ្រោះ និងសាកសព ក្នុងឧបទ្ទវហេតុ នៃការដួលរលំបាក់អគារ ៧ជាន់ ស្ថិតនៅសង្កាត់លេខ៤ ក្រុង ខេត្តព្រះសីហនុ បណ្តាលឱ្យមានមនុស្សស្លាប់ ២៨នាក់ និងរងរបួស ២៦នាក់ កាលពីថ្ងៃទី២២ ខែមិថុនា ឆ្នាំ២០១៩កន្លងមក៕
សូមបញ្ជាក់ផងដែរថា៖ក្នុងពិធីបំពាក់មេដាយមាសនេះ បានធ្វើឡើងនៅកំពង់ផែស្វយ័តក្រុងព្រះសីហនុ ដោយអ្នកទទួលបានមេដាយមកពី ក្រុមហ៊ុន China Construction S.E.A Cambodia Corporation L.T.D,កងវិស្វកម្ម,កាកបាទក្រហមកម្ពុជាខេត្ត,មន្ទីរសុខាភិបាល,ប្រជាការពារ, រដ្ឋបាលក្រុង ,ក្រុមហ៊ុន Sea Snake Investnen Co.LTD ,ក្រុមការងារអ្នកស្មគ្រ័ចិត្ត សមាគមន៍នារីខេត្ត , បញ្ហាការដ្ឋានវិស្វកម្ម, ក្រុមហ៊ុនប្រមូលសំរាម KSWM ,ក្រុមហ៊ុន GLSC សរុប៤៣៤នាក់៕