ដោយសារតែបើកបរ មិនសូវគោរពច្បាប់ចរាចរណ៍ និងការធ្វេសប្រហែស ទើបមាន ហេតុការណ៍ គ្រោះថ្នាក់ ចរាចរណ៍បែបនេះ
ខេត្តកំពត៖យោងតាមសេចក្តីរាយការណ៍ ពីអធិការនគរបាលក្រុងកំពតបានឲ្យដឹងថា៖កាលពី វេលាម៉ោង២១និង០៥នាទី យប់ថ្ងៃទី៥ ខែកក្កដា ឆ្នាំ២០១៩ មានករណីគ្រោះថ្នាក់ចរាចរមួយករណី កើតឡើងលើកំណាត់ផ្លូវជាតិលេខ៣ កំពត វាលរេញ ត្រង់ចំណុចមុខស្ថានីយប្រេងឥន្ទនៈសាវីមិច ស្ថិតក្នុងភូមិតាដឹប សង្កាត់អណ្តូងខ្មែរ ក្រុងកំពត ខេត្តកំពត បង្កឡើងដោយរថយន្តបីគ្រឿងបុកបន្តកន្ទុយគ្នាបណ្តាលឲ្យរថយន្តពីរគ្រឿង រងការខូចខាតធ្ងន់មួយគ្រឿង និងស្រាលមួយគ្រឿង
មួយគ្រឿងទៀត បានបង្កើនល្បឿនរត់គេចខ្លួនបាត់ មុនសមត្ថកិច្ចទៅដល់កន្លែងកើតហេតុ ដោយក្នុងហេតុការណ៍នេះក៏មានមនុស្សរងរបួសម្នាក់ផងដែរ។
ប្រភពបានបន្តថា មុនដំបូងមានរថយន្តបង្កមួយគ្រឿងមិនស្គាល់ម៉ាកនិងសាវតាអ្នកបើកបរ ដោយបើកប៉ះរថយន្តរងគ្រោះ ហើយបានរត់គេចចេញ ពីកន្លែងកើតហេតុមុនសមត្ថកិច្ចទៅដល់ រថយន្តនេះបើកបរក្នុងទិសដៅពីជើងទៅត្បូង លុះដល់ចំណុចកើតហេតុក៏បានកៀររថយន្តរងគ្រោះ ម៉ាកសាំយ៉ុងពណ៌ស ពាក់ផ្លាកលេខកំពង់ឆ្នាំង 2A -0904 បើកបរដោយឈ្មោះម៉ម វ៉ាន់ ភេទប្រុស អាយុ៤២ឆ្នាំ នៅភូមិកំពូលមាស ឃុំឫស្សី ស្រុកខាងលិច ស្រុកំពង់ត្រាច ខេត្តកំពត។
ប្រភពដដែលបន្តថា នៅវេលាម៉ោង ២២និង០០នាទីថ្ងៃដដែលនៅពេលកម្លាំងសមត្ថកិច្ច កំពុងរៀបចំយករថយន្តរងគ្រោះចេញពីកន្លែងកើតហេតុ ក៏ស្រាប់តែមានរថយន្តមួយគ្រឿងទៀត ម៉ាក(KIA)ពណ៌ខៀវពាក់ផ្លាកលេខ2AU-7186 បើកបរដោយឈ្មោះ អ៊ុយ វ៉ង់ត្រឺឌី ភេទប្រុសអាយុ៣៣ឆ្នាំ នៅភូមិជ្រោយសំរោង ឃុំបារាយណ៍ ស្រុកដូនកែវ ខេត្តតាកែវ បើកក្នុងទិសដៅ ពីជើងទៅត្បូង បានបុកផ្លាកចរាចរនៅពីខាងស្តាំដៃ បណ្តាលឲ្យបាក់រួចអូសទៅបុកចំពីមុខរថយន្តរងគ្រោះ ម៉ាកសាំយ៉ុងនោះបន្ថែមទៀត បណ្តាលឲ្យអ្នកបើករថយន្តម៉ាកគារងរបួសស្រាល។រថយន្តខូចខាតធ្ងន់មួយគ្រឿងតែម្តង។
បន្ទាប់ពីកើតហេតុ រថយន្តទាំងពីគ្រឿង ត្រូវបានសមត្ថកិច្ចនាំទៅរក្សាទុក នៅអធិការដ្ឋាននគរបាលក្រុង ដើម្បីដោះស្រាយតាមផ្លូវច្បាប់នៅពេលក្រោយ៕