ស្នងការដ្ឋាននគរបាល ខេត្តកំពង់ធំ បង្ហាញមុខមេក្លោងជួញដូរ នឹងប្រើប្រាស់សារធាតុញៀន ខុសច្បាប់ចំនួន១០នាក់
ខេត្តកំពង់ធំ៖នៅព្រឹកថ្ងៃទី០៦ ខែកក្កដា ឆ្នាំ២០១៩ ស្នងការដ្ឋាននគរបាល ខេត្តកំពង់ធំបង្ហាញមុខមេក្លោងជួញដូរ នឹងប្រើប្រាស់សារធាតុញៀន ខុសច្បាប់ចំនួន១០នាក់ បន្ទាប់ពីកម្លាំងសម្ថតកិច្ចនៃស្នងការដ្ឋាននគរបាលខេត្តកំពង់ធំ បង្ក្រាបបានកាលពីថ្ងៃទី០៣ ខែកក្កដា ឆ្នាំ២០១៩ វេលាម៉ោង១៤និង៤០នាទី នៅចំណុចភូមិកំពង់រទះ សង្កាត់កំពង់រទះ ក្រុងស្ទឹងសែន ខេត្តកំពង់ធំ។
លោកឧត្តមសេនីយ៍ទោ អ៊ុក កុសល ស្នងការដ្ឋាននគរបាលខេត្តកំពង់ធំបានឲ្យដឹងថា៖ការចុះប្រតិបត្តិការបង្ក្រាបនេះ កម្លាំងជំនាញការិយាល័យប្រឆាំងគ្រឿងញៀន ដែលដឹកនាំដោយលោកវរសេនីយ៍ឯក ងួន ហ៊ាង នាយការិយាល័យប្រឆាំងគ្រឿងញៀន បានចុះបង្ក្រាបនិងចាប់ឃាត់ខ្លួនជនសង្ស័យបានចំនួន២នាក់
១ ឈ្មោះ វេណ វ៉ាន់មុន្នីនាថ ភេទប្រុស អាយុ២០ឆ្នាំ រស់នៅភូមិរលួស សង្កាត់ស្រយ៉ូវ ក្រុងស្ទឹងសែន ខេត្តកំពង់ធំ និងទី២ ឈ្មោះ លីញ គឹមសេង ភេទប្រុស អាយុ៣០ឆ្នាំ រស់នៅភូមិគោកងួន ឃុំត្រពាំងឬស្សី ស្រុកកំពង់ស្វាយ ខេត្តកំពង់ធំ។
ក្រោយមកជំនាញបានធ្វើការស្រាជ្រាវស៊ើបអង្កេតរហូតឈានដល់ការឃាត់ខ្លួនមេក្លោងជួញដូរគ្រឿងញៀនចំនួន០២នាក់ទៀត
ទី១ ឈ្មោះ សាន សុខនឿន ភេទប្រុស អាយុ១៨ឆ្នាំ រស់នៅភូមិក្រសាំង ឃុំត្រពាំងឬស្សី ស្រុកកំពង់ស្វាយ ខេត្តកំពង់ធំ និងទី២ ឈ្មោះ អ៊ុច ឌីណា ភេទប្រុស អាយុ១៧ឆ្នាំ រស់នៅភូមិស្រយ៉ូវ សង្កាត់ស្រយ៉ូវ ក្រុងស្ទឹងសែន ខេត្តកំពង់ធំ។
លុះព្រឹកថ្ងៃទី០៤ ខែកក្កដា ឆ្នាំ២០១៩ សមត្ថកិច្ចបានបន្តនីតិវិធី ឈានទៅឃាត់ខ្លួនមុខសញ្ញាប្រើប្រាស់សារធាតុញៀនខុសច្បាប់បានចំនួន០៦នាក់ផ្សេងទៀតរួមមាន៖
១-ឈ្មោះ ស៊ន សៀនម៉ៃ ភេទប្រុស អាយុ២១ឆ្នាំ រស់នៅភូមិពោធិអ៊ុន សង្កាត់ស្រយ៉ូវ ក្រុងស្ទឹងសែន ខេត្តកំពង់ធំ។
២- ឈ្មោះ អួត សារ៉ាត់ ភេទប្រុស អាយុ៣៨ឆ្នាំ រស់នៅភូមិព្រៃតាហ៊ូ សង្កាត់ព្រៃតាហ៊ូ ក្រុងស្ទឹងសែន ខេត្តកំពង់ធំ។
៣- ឈ្មោះ ម៉េង កំសាន ភេទប្រុស អាយុ៣៧ឆ្នាំ រស់នៅភូមិប្រាសាទស្វាយព្រៃ ឃុំត្រពាំងឬស្សី ស្រុកកំពង់ស្វាយ ខេត្តកំពង់ធំ។
៤-ឈ្មោះ យ៉ោ សាលី ភេទប្រុស អាយុ១៨ឆ្នាំ រស់នៅភូមិរវាង ឃុំរំចេក ស្រុកបន្ទាយស្រី ខេត្តសៀមរាប។
៥-ឈ្មោះ សឿន សិលា ភេទប្រុស អាយុ២៦ឆ្នាំ រស់នៅភូមិត្រពាំងព្រលិត ឃុំត្រពាំងឬស្សី ស្រុកកំពង់ស្វាយ ខេត្តកំពង់ធំ។
៦-ឈ្មោះ អ៊ន អ៊ាត់ ភេទប្រុស អាយុ២៤ឆ្នាំ រស់នៅភូមិសេរីវង្ស ឃុំត្រពាំងឬស្សី ស្រុកកំពង់ស្វាយ ខេត្តកំពង់ធំ។
ក្រោយពីបង្ក្រាបសមត្ថកិច្ចដកហូតបាននូវវត្ថុតាង ម្សៅក្រាមពណ៍ស ថ្លាសង្ស័យជាថ្នាំញៀនខុសច្បាប់ចំនួន១២កញ្ចប់ទម្ងន់៤៥.២ក្រាម,ជញ្ជីងថ្លឹងថ្នាំញៀន០១គ្រឿង,ទូរស័ព្ទដៃ០៤គ្រឿង និងឧបករណ៍ប្រើប្រាស់សារធាតុញៀនមួយចំនួនទៀត។
ជាមួយគ្នានេះដែរលោកឧត្តមសេនីយ៍ទោស្នងការដ្ឋាននគរបាលសូមអំពាវនាវដល់អាណាព្យាបាលមួយចំនួន មានការសង្ស័យទៅលើបុត្រា បុត្រីរបស់ខ្លួន មានការពាក់ព័ន្ធប្រើប្រាស់សារធាតុញៀន សូមនាំបុត្រាបុត្រី មកជួបសមត្ថកិច្ច ដើម្បីធ្វើតេសន៍ ស្វែងរកសារធាតុញៀនខុសច្បាប់បើមានសារធាតុញៀនហើយ សូមសហការបញ្ជូនបុត្រា បុត្រីទៅបន្សាបសារធាតុញៀន នៅមណ្ឌលស្ដានីតិសម្បទា និងអំពាវនាវដល់ប្រជាពលរដ្ឋទូទាំងព្រះរាជាណាចក្រកម្ពុជា យកចិត្តទុកដាក់ចូលរួមការងារប្រឆាំងគ្រឿងញៀ ជាការងារអទិភាពមួយ ដើម្បីឈានទៅលុបបំបាត់បទល្មើសគ្រឿង និងអំពាវដល់ស្រទាប់យុវជនត្រូវជៀសអោយឆ្ងាយពីគ្រឿងញៀនឆ្លើយថាទេ ចំពោះគ្រឿងញៀន គ្រឿងញៀនបំផ្លាញ់អ្វីៗគ្រប់យ៉ាង អនាគតគ្រួសារ សង្គមជាតិ៕
