សាខាកាកបាតក្រហមកម្ពុជា ខេត្តកោះកុង បាននាំយកអំណោយ មនុស្សធម៌ ទៅផ្តល់ជូនស្រ្តីសម្រាលកូន នៅលើអូប័រតាមដងព្រែក ទាំងមេឃកំពុងព្យុះ ភ្លៀង
ខេត្តកោះកុង៖លោក ហាក់ ឡេង ប្រធានគណៈកម្មាធិការអនុសាខា ស្រុកមណ្ឌលសីមា រួមនឹងសមាជិកអនុសាខា នាល្ងាចថ្ងៃសុក្រ ៤កើត ខែអាសាឍ ឆ្នាំកុរឯកស័ក ព.ស ២៥៦៣ ត្រូវនឹងថ្ងៃទី០៥ ខែកក្កដា ឆ្នាំ២០១៩ បាននាំយកអំណោយ មនុស្សធម៌ទៅផ្តល់ជូនស្រ្តីឈ្មោះ តាក់ ឡៃហៀង អាយុ២៤ឆ្នាំ មុខរបរនេសាទ រស់នៅភូមិកោះប៉ោ ឃុំប៉ាក់ខ្លង ស្រុកមណ្ឌលសីម៉ា ខេត្តកោះកុង បានសម្រាលកូន នៅលើអូប័រតាមដងព្រែក ទាំងមេឃកំពុងព្យុះ ភ្លៀងកំឡុងពេលគាត់ និងក្រុមគ្រួសារកំពុងធ្វើដំណើរតាមផ្លូវទឹក មកសម្រាលកូននៅមន្ទីរពេទ្យបង្អែកខេត្ត។
ក្នុងឱកាសនោះ លោក ហាក់ ឡេង ប្រធានគណៈកម្មាធិការអនុសាខា បានពាំនាំប្រសាសន៍ផ្តាំផ្ញើសួរសុខទុក្ខពីសំណាក លោកជំទាវ មិថុនា ភូថង ប្រធានគណៈកម្មធិការសាខា ពិសេសសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ជានិច្ចកាលសម្តេចតែងគិតគូរពីសុខទុក្ខ សុខភាពរបស់ប្រជាពលរដ្ឋគ្រប់ពេលវេលា ជាពិសេសស្រ្តី ទារក និងកុមារ លោក ក៏បានផ្តាំផ្ញើបងប្អូនប្រជាពលរដ្ឋឱ្យថែទាំសុខភាពឱ្យបានល្អ ជាពិសេសទៅលើកុមារតូចៗ ត្រូវពាក់ខោអាវវែង នឹងដេកនៅក្នុងមុងជ្រលក់ថ្នាំ ដើម្បីការពារជម្ងឺគ្រុនឈាមដែរកំពុងរីករាលដាល ព្រមទាំងចេះសម្អាតអនាម័យជុំវិញខ្លួន នឹងជាពិសេសត្រូវស្តាប់តាមការណែនាំរបស់លោកគ្រូពេទ្យ នឹងពិសារថ្នាំឱ្យបានទៀងទាត់តាមពេលវេលា។
អំណោយដែរអនុសាខាផ្តល់ជូនរួមមាន៖ទឹកក្រូច១កេស,ទឹកដោះគោឆៅ២ឡូ ,ទឹកដោះគោខាប់៥កំប៉ុង,អាវយឺត៣,ឃីតទារក១ឈុត,ស្ករស៣គក្រ,ទឹកសុទ្ធ២យួរ រួមនឹងសម្ភារៈ និងថវិកាមួយចំនួនទៀត។ជាមួយគ្នានោះផងដែរលោកជំទាវ មិថុនា ភូថង ប្រធានគណៈកម្មាធិការសាខាបានឧបត្ថម្ភថវិកាផ្ទាល់បន្ថែមចំនួន១០០$ និងមេឃុំប៉ាក់ខ្លង ថវិកា១០០,០០០រៀលផងដែរ៕
