ឯកឧត្តម អ៊ុន ចាន់ដា អភិបាលខេត្តកំពង់ចាម ដឹកនាំមន្ត្រីក្រោមឱវាទ នាំយកទានវស្សាប្រគេន ព្រះសង្ឃនៅវត្តជ័យគីរី (ហៅវត្តភ្នំហាន់ជ័យ)
ខេត្តកំពង់ចាម៖នាព្រឹកថ្ងៃទី០៦ ខែកក្កដា ឆ្នាំ២០១៩ ឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម បានដឹកនាំមន្ត្រីរាជការក្រោមឱវាទ នាំយកទៀនចំណាំព្រះវស្សា និងទេយ្យទាន វេរប្រគេនព្រះសង្ឃ និងជួបសំណេះសំណាល ជាមួយលោកយាយ លោកតា និងបងប្អូនប្រជាពលរដ្ឋ នៅវត្តហាន់ជ័យគីរី(ហៅវត្តភ្នំហាន់ជ័យ) ស្ថិតនៅឃុំហាន់ជ័យ ស្រុកកំពង់សៀម ខេត្តកំពង់ចាម ។
មានប្រសាសន៍នៅក្នុងការជួបសំណេះសំណាលជាមួយលោកយាយ លោកតា និងបងប្អូនប្រជាពលរដ្ឋ ឯកឧត្តម អ៊ុន ចាន់ដា បានផ្ដាំផ្ញើដល់បង ប្អូនប្រជាពលរដ្ឋសូមយកចិត្តទុកដាក់ពីបញ្ហាផ្ទុះ នៃជំងឺគ្រុនឈាម ដោយបច្ចុប្បន្ននេះជំងឺគ្រុនឈាមបានសម្លាប់កុមារ និងមនុស្សចាស់ ជាច្រើននៅក្នុងប្រទេសកម្ពុជា ហេតុនេះសូមបងប្អូនប្រជាពលរដ្ឋទាំងអស់ សម្អាតបរិស្ថាន និងលុបថ្លុក ប្រមូលកប់វត្ថុដែលអាចដក់ទឹកបាន និងត្រូវដាក់ថ្នាំអាល់ប៊ែត ចូលពាងទឹកការពារកុំអោយកើតមូស ដែលជាដើមចម នៃការកើតជំងឺគ្រុនឈាម។
សូមបញ្ជាក់ដែរថា៖គ្រឿងវត្ថុវេរប្រគេនព្រះសង្ស នាឱកាសនោះរួមមាន៖ទៀន១គូ ទ័យវត្ថុ៧លំដាប់ ប្រេង១កាន មី ត្រីខ ទឹកបរិសុទ្ធ អង្ករ១០០គក្រ និងបច្ច័យ១លាន៦០ម៉ឺនរៀល៕
