មន្ទីររៀបចំដែនដី នគរូបនីយកម្ម សំណង់ និងសុរិយោដី ខេត្តកំពង់ឆ្នាំង បើកកិច្ចប្រជុំ ត្រួតពិនិត្យវឌ្ឍនភាពការងារ និងបញ្ហាប្រឈម លើការងារចុះបញ្ជីដីធ្លីមានលក្ខណៈជាប្រព័ន្ធ
ខេត្តកំពង់ឆ្នាំង៖នារសៀលថ្ងៃសុក្រ ៤កើត ខែអាសាឍ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី០៥ ខែកក្កដា ឆ្នាំ២០១៩ លោក លី សុភា ប្រធានមន្ទីររៀបចំដែនដី នគរូបនីយកម្ម សំណង់ និងសុរិយោដីខេត្តកំពង់ឆ្នាំង បានអញ្ជើញជាអធិបតីក្នុងកិច្ចប្រជុំត្រួតពិនិត្យវឌ្ឍនភាពការងារ និងបញ្ហាប្រឈម លើការងារចុះបញ្ជីដីធ្លីមានលក្ខណៈជាប្រព័ន្ធ នៅ៦ខែ ដើមឆ្នាំ និងលើកទិសដៅអនុវត្តបន្តសម្រាប់ខែកក្កដា ឆមាសទី២ ឆ្នាំ២០១៩ នៅមន្ទីររៀបចំដែនដី នគរូបនីយកម្ម សំណង់ និងសុរិយោដីខេត្ត។
ក្នុងកិច្ចប្រជុំនេះ ក៏មានការអញ្ជើញចូលរួមពីលោកអនុប្រធានមន្ទីរ ទទួលបន្ទុកសុរិយោដី និងភូមិសាស្ត្រ,លោកប្រធានការិយាល័យសុរិយោដី និងភូមិសាស្ត្រ,លោក លោកស្រីប្រធាន អនុប្រធានក្រុមការងារចុះបញ្ជីដីធ្លី ទាំង០៤ក្រុម,មន្ត្រីផ្នែកGIS,មន្ត្រីកំណត់ព្រំ,មន្ត្រីវិនិច្ឆ័យ និងមន្ត្រីការិយាល័យរដ្ឋបាល LASSP នៃការិយាល័យអនុវិស័យរដ្ឋបាលដីធ្លីសរុបចំនួន៤៦រូប ស្រី៨រូប។
ក្នុងឱកាសនោះផងដែរ លោកប្រធានមន្ទីរ ក៏បានប្រគល់ជូននូវសម្ភារៈប្រើប្រាស់ការិយាល័យមួយចំនួន ដូចជា កុំព្យូទ័រយួរដៃ Laptop,កុំព្យូទ័រលើតុDesktop,និងម៉ាស៊ីនព្រីន ជូនដល់ក្រុមការងារចុះបញ្ជីដីធ្លីមានលក្ខណៈជាប្រព័ន្ធ ទាំង០៤ក្រុមផងដែរ៕
